19 replies to this topic

[Gabbler]

Hvernig er það, fer ekki að styttast í aðskilnað ríkis og kirkju?

Sóknarbörnum í þjóðkirkjunni fækkar

Sóknarbörnum í þjóðkirkjunni hefur fækkað hlutfallslega á undanförnum árum. 1. desember 2007 voru 80,7% landsmanna skráðir í þjóðkirkjuna en árið 1990 var þetta hlutfall 92,6%. Á sama tíma hækkaði hlutfall íbúa í fríkirkjusöfnuðunum þremur: Fríkirkjunni í Reykjavík, Óháða söfnuðinum og Fríkirkjunni í Hafnarfirði úr 3,2% í 4,9%.
Þetta kemur fram í nýrri samantekt Hagstofunnar. Skráðum trúfélögum hefur fjölgað talsvert á undanförnum árum; skráð trúfélög utan þjóðkirkju og fríkirkjusafnaða eru nú 26 en voru 10 árið 1990. Þessum trúfélögum tilheyra 5,4% íbúa samanborið við 2,3% árið 1990.
Flest trúfélög utan Þjóðkirkjunnar og fríkirkjusafnaðanna eru smá og einungis þrjú telja fleiri en 1.000 meðlimi. Kaþólska kirkjan er langfjölmennast þeirra og hefur sóknabörnum hennar fjölgað meira en þrefalt frá árinu 1990 (2396 samanborið við 7977 árið 2007). Hvítasunnusöfnuðurinn er næst stærsta trúfélagið utan þjóðkirkju og fríkirkjusafnaða. Þar eru meðlimir nú 1963 samanborið við 898 árið 1990.
Til óskráðra trúfélaga og með ótilgreind trúarbrögð heyrðu 6,2% þjóðarinnar samanborið við 0,6% árið 1990. Hátt hlutfall þessara einstaklinga eru erlendir ríkisborgarar sem búið hafa hér á landi í stuttan tíma og eiga í sumum tilvikum eftir að skrá sig í trúfélag. Utan trúfélaga voru 2,8% samanborið við 1,3% árið 1990.

http://mbl.is/mm/frettir/innlent/2008/01/1...thjodkirkjunni/

[deddi]

Það væri óskandi!

[Gorgon]

Það væri óskandi!

Dittó.

[Grasi]

Bæði gott og slæmt.

Ég vill frekar hafa fleiri sem meðlimi þjóðkirkjunnar en í þessum snarklikkuðu trúarofstækissöfnuðum sem trúa bókstaflega á biblíuna.
En aðskilnaður ríkis og kirkju er nauðsynlegur.

Kveðja
Grasi

[Reilly]

Færri í þjóðkirkjunni = fleiri í ofsatrúarsöfnuðum.

Frábært alveg.

[Gabbler]

Færri í þjóðkirkjunni = styttra í aðskilnað ríkis og kirkju = styttra í trúfrelsi á íslandi

[Locke]

Ef kirkjan verður einkavædd, með því að skilja á milli ríkis og kirkju mun trúuðum fjölga. Samkeppni eykur fjölda viðskiptavina.

Ef kirkjan markaðvæðist almennilega þá nær hún að snúa við þróuninni en ef hún heldur áfram í sama formi og í dag þá fækkar í "þjóð"kirkjunni.

[poleddu]

Hvers vegna heldurðu það?

Og hvers vegna segja menn að það sé ekki samkeppni í dag? Þjóðkirkjan græðir ~13.000kr árlega fyrir hvern skráðan meðlim, önnur trúfélög ~9.000kr. Er ekki samkeppni um "sálirnar"?

Annars fjölgaði um heilar 227 sálir í Þjóðkirkjunni í ár

[Reilly]

Færri í þjóðkirkjunni = styttra í aðskilnað ríkis og kirkju = styttra í trúfrelsi á íslandi

Skilgreindu trúfrelsi.

PS. ertu búin að setja tölu á verðmæti kirkjujarðanna sem ríkið þarf að skila?

Ef kirkjan verður einkavædd, með því að skilja á milli ríkis og kirkju mun trúuðum fjölga. Samkeppni eykur fjölda viðskiptavina.

Þú segir þetta eins og það sé eitthvað gott við þetta.

[Gabbler]

Skilgreindu trúfrelsi.

Þarf ég þess virkilega?

Jæja... ég sem íslenskur ríkisborgari vil ekki að ríkið daðri sérstaklega við eitt trúfélag og ríkið sé skuldbundið til að styrkja eitt trúfélag í stjórnarskránni.

PS. ertu búin að setja tölu á verðmæti kirkjujarðanna sem ríkið þarf að skila?

Nei, kemur það málinu eitthvað við? Það eru örugglega klárir menn sem færu í gegnum reikningana til að sjá hver skuldar hverjum hvað, ef ríki og kirkja yrði aðskilin.

Það er auðvitað fráleitt að ríkið þyrfti að skilja einhverjum jörðum, því eins og staðan er í dag þá á ríkið þessar jarðir sem kirkjan "stal" af fólkinu í landinu á sínum tíma. Ríkiskirkjan er stofnun eins og landsvikjun, það er fáránlegt að halda að ef landsvirkjun verði einkavædd að þá skuldi ríkið landsvirkjun eitthvað...

En þetta er önnur umræða sem væri gaman að taka á öðrum þræði. Kostnaður við aðskilnað er aukaumræða sem kemur aðalumræðunni lítið við.

Kveðja.

ps, ertu búin að setja tölu á verðmæti jarðanna sem kirkjan stal af íslendingum á sínum tíma?