14 replies to this topic

[Hawk12]

"Vísir, 16. jan. 2008 21:22

Svona kemst Ísland á Ólympíuleikana

Ég veit, Alfreð, þetta er flókið.

Eitt aðalmálið á EM í Noregi snýst um hvaða tvær þjóðir verða síðastar til að tryggja sér sæti í undankeppni Ólympíuleikanna í Peking í sumar.

En það er ekki auðvelt að klóra sig í gegnum ferlið sem gefur af sér þær tólf þjóðir sem fá þátttökurétt á Ólympíuleikunum.

Nú þegar hafa bara fjórar þjóðir tryggt sér farseðilinn til Peking. Þær eru eftirtaldar:

Gestgjafar: Kína
Heimsmeistarar: Þýskaland
Ameríkumeistarar: Brasilía
Afríkumeistarar: Egyptaland


Það þýðir að enn á eftir að finna átta keppnisþjóðir fyrir Ólymíuleikana.

2 laus sæti fyrir álfumeistara:
Evrópumeistarar: ?
Asíumeistarar: ?

6 laus sæti fyrir undankeppnina:
Undanriðill 1 (í Póllandi): Tvö efstu liðin
Undanriðill 2 (í Danmörku): Tvö efstu liðin
Undanriðill 3 (í Frakklandi): Tvö efstu liðin

- Ef Pólland, Danmörk eða Frakkland verða Evrópumeistarar mun einn undanriðlanna færast til Króatíu.

- Undankeppnin fer fram dagana 30. maí til 1. júní 2008.

Semsagt, fjórir álfumeistarar komast á Ólympíuleikanna, auk heimsmeistaranna, gestgjafanna og sex þjóða úr undanriðlunum. Það gera samanlagt tólf þjóðir.

Við skulum skoða hvaða lið eru búin að tryggja sér sæti í undanriðlunum:

Undanriðill 1:
Pólland (2. sæti á HM)
Spánn (7. sæti á HM)
Argentína (3. sæti í Ameríkumótinu)
Eitt laust sæti fyrir EM-þjóð

Undanriðill 2:
Danmörk (3. sæti á HM)
Rússland (6. sæti á HM)
Túnis (2. sæti í Afríkukeppninni)
Eitt laust sæti fyrir EM-þjóð

Undanriðill 3:
Frakkland (4. sæti á HM)
Króatía (5. sæti á HM)
Alsír (3. sæti í Afríkukeppninni)
Eitt laust sæti fyrir Asíuþjóð

Það eru semsagt tvö laus sæti fyrir EM-þjóðir. Það þarf því að skoða þær þjóðir sem keppa á EM og hafa ekki tryggt sér sæti í undankeppninni nú þegar.

Ísland
Svíþjóð
Noregur
Slóvakía
Ungverjaland
Hvíta-Rússland
Slóvenía
Tékkland
Svartfjallaland

Tvö lið úr þessum hópi fara í undankeppnina. Það eru þau tvö lið sem ná bestum árangri á mótinu.

Ef þannig vildi til að einhver þessara þjóða yrði Evrópumeistari, færi viðkomandi þjóð vitanlega beint til Peking og þyrfti ekki að taka þátt í undankeppninni.

En þar með er sögunni ekki lokið. Þar sem Ísland lenti í áttunda sæti í heimsmeistarakeppninni í Þýskalandi í fyrra, fær Ísland sjálfkrafa þátttökurétt í undankeppninni ef eitthvað af liðunum sem lenti í 2.-7. sæti á HM verður Evrópumeistari.

Ef Þýskaland verður Evrópumeistari, fær liðið sem lendir í öðru sæti á EM farseðilinn til Peking sem álfumeistari Evrópu. Ef það lið er eitthvað af þeim liðum sem lenti í 2.-7. sæti á HM í fyrra fer Ísland sjálfkrafa í undankeppni ÓL.

Það eru semsagt fjórar leiðir fyrir Ísland að komast á Ólympíuleikana:

1. Verða Evrópumeistari og sleppa við undankeppnina.

2. Ná annað hvort besta eða næstbesta árangri þeirra liða á EM sem eru ekki komin í undankeppnina.

3. Treysta á að Pólland, Danmörk, Frakkland, Króatía, Rússland eða Spánn verði Evrópumeistari. Ísland fær þá sæti viðkomandi þjóðar í undankeppninni.

4. Ef Þýskaland verður Evrópumeistari, treysta á að Pólland, Danmörk, Frakkland, Króatía, Rússland eða Spánn verði í 2. sæti á EM. Ísland fær þá sæti viðkomandi "

[Staffan]

Bullið í kringum þessa keppni er með eindæmum.

[Hawk12]

Bullið í kringum þessa keppni er með eindæmum.

Hver ætli hafi skrifað þessa frétt, eru íþróttafréttamenn algjörir vanvitar?

[krókur]

Bullið í kringum þessa keppni er með eindæmum.

Mér finnst þetta skemmtileg lesning.

[Hawk12]

Mér finnst þetta skemmtileg lesning.

....en skilur þú þetta?

[krókur]

Nokkurn vegin, held ég.

[Hawk12]

"Ég veit, Alfreð, þetta er flókið.", segir fréttahaukur visir.is

og ennfremur,

"Eitt aðalmálið á EM í Noregi snýst um hvaða tvær þjóðir verða síðastar til að tryggja sér sæti í undankeppni Ólympíuleikanna í Peking í sumar."

Svo erum við Íslendingar ekki í þokkalegum málum, við erum jú í öðru neðsta sæti, svo þetta virðist ætla að hafast, bara passa sig að tapa fyrir Spánverjum á morgum, þá er þetta komið.

En aðalmálið sem enginn nema frétta haukurinn á visir.is hefur áttað sig á er að mótið snýst ekki um hver verður Evrópumeistari, nei aldeilis ekki, þetta er mótið um hver kemst á Olympíleikana í Kína næsta sumar, þessi fréttahaukur visir.is er á einhverju, kannski hefur hann komist í byrgðir strákanna.

[krókur]

[Spanni]

Það yrði hugsanlega gaman fyrir þá að vera með á þessum ólympíuleikum.
Allar líkur eru nefnilega á að þetta verði í seinasta sinn sem keppt verður í handbolta á Ólympíuleikum að sinni allavega.

Hörð ámæli hafa komið frá alþjóða ólympíunefndinni á handboltahreyfinguna fyrir spillingu og fyrirfram ákveðin úrslit leikja. Sérstaklega í Asíu.
Lítill áhugi á heimsmælikvarða og takmarkaður áhugi mótsgesta eru að ýta "stympingum" út af leikunum að auki.

[Staffan]

Eitt hef ég ég aldrei skilið með þessi stórmót í handboltanum og það er afhverju í andskotanum liðin byrja ekki með hreint borð í milliriðlum.
Það er eins og það sé verið að gefa sterkari þjóðum forskot á hin.