Undarleg tengsl milli vændis og innflytjendafordóma, vegir lýðskrumsins eru órannakanlegir Options

[Orville]

Það er skemmtilegt við Málefnin hvernig maður getur verið á öndverðu meiði við einstaka málverja í einum málaflokki en svo sammála sama fólki í öðrum málum. Ég man til dæmis eftir að oftast er ég sammála þeim Keops og Fowl en þar sem við höfum ekki verið sammála hefur á stundum borið mikið á milli.

Stundum hef ég skipt mér lítillega af umræðum um innflytjendamál hér á Málefnunum. Þar hef ég verið í hópi hinna svokölluðu þöggunarsinna en það er það fólk sem vill forðast þjóðernisátök og hafa gagnrýnt þá sem hafa alið á fordómum gegn innflytjendum. Þessi þöggunarsinnar svokölluðu hafa talað mikið um innflytjendamál (merkileg þversögn) og þá gjarnan verið sammála í megin atriðum þar en svo á öndverðu meiði í öðrum málum eins og gengur.

Nú er í gangi hér mikil umræða um vændi í kjölfar umföllunar Kastljóssins síðustu daga. Þá vill svo til að línur virðast eitthvað skiptast eins í þessum tveimur málaflokkum, það er vændis málum og innflytjendamálum. Svo virðist sem það sé sama fólkið hér sem ver og styður útlendingaóhróður Frjálslynda flokksins og sem trúir á og ver málstað kátu hórunnar. Þá er það einnig athyglisvert að hinir alræmdu þöggunarsinnar eru einnig nokkuð áberandi í hópi þeirra sem vilja berjast gegn vændi. Af hverju ætli þetta sé?