8 replies to this topic

[Ingimundur Kjarval]

Það er ekki annað, núna eru íslenskir fjölmiðlar að finna sitt sanna hlutverk, verja leynd fyrir dómstólum. Hvernig verða fréttirnar einn daginn: Í dag eru engar fréttir vegna þess að Ríkisútavarpið hefur endanlega náð tilgangi sínum, svæft öll mál og fengið dóm um leynd á restina. Over and out.


Vísir, 13. mar. 2008 14:16

RÚV ætlar með launamál Þórhalls og Sigrúnar fyrir dómstóla

Páll Magnússon útvarpsstjóri og Þorgerður Katrín Gunnarsdóttir, handhafi eina hlutabréfsins í RÚV. Jón Hákon Halldórsson skrifar:


Ríkisútvarpið neitar að láta Vísi í té upplýsingar um laun dagskrárstjóra Ríkissjónvarpsins og dagskrárstjóra útvarps, þrátt fyrir að úrskurðarnefnd um upplýsingamál hafi úrskurðað að Ríkisútvarpinu sé skylt að veita þessar upplýsingar.

Í nóvember á síðasta ári óskaði Óskar Hrafn Þorvaldsson, ritstjóri Vísis, eftir upplýsingum um laun Þórhalls Gunnarssonar, ritstjóra Kastljóss og dagskrárstjóra Ríkissjónvarpsins, og Sigrúnar Stefánsdóttur, dagskrárstjóra Ríkisútvarpsins. Ríkisútvarpið neitaði að upplýsa um þetta og kærði Óskar því Ríkisútvarpið til úrskurðarnefndar um upplýsingamál. Þann 11. mars síðastliðinn úrskurðaði nefndin svo að Ríkisútvarpið skyldi veita kæranda, Óskari Hrafni, aðgang að ráðningarsamningi fyrirtækisins við Þórhall Gunnarsson og Sigrúnu Stefánsdóttur.

Bjarni Guðmundsson, aðstoðarmaður útvarpsstjóra, sagði í samtali við Vísi í morgun að Ríkisútvarpið hefði ákveðið að senda úrskurðarnefnd erindi þar sem þess verður óskað að réttaráhrifum úrskurðarins verði frestað, samkvæmt 18. grein upplýsingalaga. Þetta þýðir að Ríkisútvarpið mun bera úrskurð nefndarinnar undir dómstóla og óska eftir flýtimeðferð á málinu.

[Gorgon]

Ríkisvaldið virðist vilja 'eiga kökuna og éta hana líka' hvað RÚV varðar - hafa þetta opinbert félag sem þiggur vænar upphæðir úr ríkiskassanum, en er að flestu öðru leyti eins og einkafyrirtæki sem er í bullandi samkeppni við önnur fyrirtæki um starfsfólk, aðkeypt efni og auglýsingar.

Mín meining er að þetta eigi ekki að geta gengið svona. Annað hvort er fyrirtæki ríkisfyrirtæki, eða einkafyrirtæki. Einhvers konar Frankeinsteinskrýmslissamansull úr hvoru tveggja er lítið annað en óskapnaður.

Að mínu mati er til að mynda algjörlega ótækt að viðhalda launaleynd um stjórnendur opinbers hlutafélags. Slíkt er eðlilegt á hinum almenna markaði, en alls ekki í opinberu fyrirtæki sem almenningur neyðist til að halda uppi, hvort sem þeim líkar betur eða verr. Starfsemi slíks fyrirtækis kemur því okkur öllum við, og allt á að vera uppi á borðinu. Ef menn vilja hins vegar hafa launaleynd og bullandi samkeppni á almennum markaði, þá ber að einkavæða RÚV algjörlega hið snarasta, og kippa því af ríkisspenanum. Það er aumingjaskapur að vera í samkeppni, en engu að síður hafa ríkið til að halla sér upp að.

Bara mín tvö sent (myndi hafa það aura ef þeir væru ekki svo fjári verðlitlir þessa dagana ...).

[Skrolli]

Er ekki kominn tími til að fólk fari að gera eitthvað við svona einræðistilburðum rúv-forsvarsmanna?
Almenningur í landinum á ekki að láta svona yfir sig ganga....hingað og ekki lengra!

[Fidel Castro.]

Eru þessar upplýsingar ekki öllum opnar á ákveðnum tíma árs hjá skattyfirvöldum,

og nýttar af flestum miðlum til að fullnægja gægjuþörf almennings?

[Gorgon]

Eru þessar upplýsingar ekki öllum opnar á ákveðnum tíma árs hjá skattyfirvöldum,

og nýttar af flestum miðlum til að fullnægja gægjuþörf almennings?

Það er gott og blessað að benda á það atriði og gagnrýna - en ekki finnst mér það þó breyta miklu, svona hugmyndafræðilega séð, um það sem ég sjálfur var að gagnrýna hér fyrir ofan. Ég lít á þetta sem algjörlega óskyld mál - ríkisfyrirtækið sem er líka einkafyrirtæki annars vegar, og það að skattskýrslur liggi nánast á glámbekk hins vegar.

[Fidel Castro.]

Það er gott og blessað að benda á það atriði og gagnrýna - en ekki finnst mér það þó breyta miklu, svona hugmyndafræðilega séð, um það sem ég sjálfur var að gagnrýna hér fyrir ofan. Ég lít á þetta sem algjörlega óskyld mál - ríkisfyrirtækið sem er líka einkafyrirtæki annars vegar, og það að skattskýrslur liggi nánast á glámbekk hins vegar.

Það sem ég átti við, að varla geta upplýsingar eins og launamál þessara aðila verið mikið launungarmál,

ef hægt er að nálgast þær eftir löglegum leiðum á stórfurðulegum ákveðnum tímapunkti.

Auðvitað eiga þessar upplýsingar að getað legið fyrir og sýnilegar hvenær sem er, ef annað borð þær

eru gefnar upp.

[auga]

Stofnum veðbanka.

Ég segi Halla vera með 1,4 mill. kr. á mánuði.
Sigga er með 570 þús.kr. á mánuði.

Rauðvin fyrir þann sem er næstur því ?

Hvenær fellur dómurinn.

[kkhg]

Hvað með fatapeningana? Meira eða minna en Björn Ingi í kosningabaráttu? Munið að þetta átti að duga í fjögur ár hjá binga.

[rimryts]

Ríkisvaldið virðist vilja 'eiga kökuna og éta hana líka' hvað RÚV varðar - hafa þetta opinbert félag sem þiggur vænar upphæðir úr ríkiskassanum, en er að flestu öðru leyti eins og einkafyrirtæki sem er í bullandi samkeppni við önnur fyrirtæki um starfsfólk, aðkeypt efni og auglýsingar.

Mín meining er að þetta eigi ekki að geta gengið svona. Annað hvort er fyrirtæki ríkisfyrirtæki, eða einkafyrirtæki. Einhvers konar Frankeinsteinskrýmslissamansull úr hvoru tveggja er lítið annað en óskapnaður.

Að mínu mati er til að mynda algjörlega ótækt að viðhalda launaleynd um stjórnendur opinbers hlutafélags. Slíkt er eðlilegt á hinum almenna markaði, en alls ekki í opinberu fyrirtæki sem almenningur neyðist til að halda uppi, hvort sem þeim líkar betur eða verr. Starfsemi slíks fyrirtækis kemur því okkur öllum við, og allt á að vera uppi á borðinu. Ef menn vilja hins vegar hafa launaleynd og bullandi samkeppni á almennum markaði, þá ber að einkavæða RÚV algjörlega hið snarasta, og kippa því af ríkisspenanum. Það er aumingjaskapur að vera í samkeppni, en engu að síður hafa ríkið til að halla sér upp að.

Bara mín tvö sent (myndi hafa það aura ef þeir væru ekki svo fjári verðlitlir þessa dagana ...).

Hárrétt, að sjálfsögðu.

Svo er ekki verið að hafa fyrir því að rökstyðja á hvaða grundvelli mál sé höfðað á kostnað okkar skattgreiðenda.