27 replies to this topic

[Brecht]

Á malefnin.com er áberandi að aðeins flokksmenn Frjálslynda Flokksins skrifa undir nafni eða staðhæfa það, þó það sé ekki augljóst fyrir nýmálverja (t.d. Gmaria). Sá eini sem ég veit um hér þar fyrir utan sem skrifar undir nafni er Ingimundur Kjarval, frá Ameríku. Æ já og einhver einn blaðamaður.
Ef maður fer í gegnum bloggsíður þessara flokksmanna Frjálslynda Flokksins kemst maður ekki hjá því að taka eftir því að viðbrögðin eru afar dræm. Oftar en ekki eru það hinir bloggarar flokksins sem skrifa samþykkjandi svör.
Hér aftur á móti fá þessir sömu flokksmenn margfalt meiri viðbrögð. Þetta er í raun eini opinberi vettfangurinn sem ég hef fundið þar sem þeir fá einhver marktakandi viðbrögð.
En þeir afar duglegir við að núa því öðrum um nasir að þeir skrifi í skjóli nafnleysis. Er þetta ekki mikið óþakklæti í ljósi þess að þeir fá annarsstaðar lítil sem engin viðbrögð? En án gríns, þetta er orðin hvimleið árátta hjá þeim.

Ég styð íhaldið, en ég er ekki flokksmaður. Það sem ég sé í því er það sem kallað er í stjórnmálafræði, borgaralegt afl. Að útskýra vald Sjálfstæðisflokksins með því að fólk sé alið til þess að kjósa hann, "erfi" atkvæðið er of mikil einföldun.
Til allrar lukku eru Alþýðuflokkurinn og Alþýðubandalagið runnið saman í eitt, þ.e. Samfylkinguna. Það er verðugur andstæðingur.
Vintstri-Grænir og Framsókn reyna svo að fela sérvisku sína á bak við almannheill.
Frjálslyndi Flokkurinn er svo bara klofningur úr Sjálfstæðisflokknum (Sverrir Hermansson) fyrir alskonar framapotara.

Það er of auðvelt að lesa út úr innleggjum þekktari málverja hverra flokka þeir "tilheyra", vinstri eða hægri. En af hverju koma þeir ekki fram undir nafni? Maður heyrir hér raddir allra annara flokka, jafnvel Framsóknarflokksins, en bara ekki undir raunnafni. Hvað veldur?

[Laufa]

Mörgum hérna held ég að sé sama hvort nafn þeirra sé gefið upp eða ekki. Ég er ein þeirra. Það er hins vegar svo, að í reglum Málefnanna er nafnleysi tryggt. Þeir sem opinberlega gangast við flokkum eiga eflaust auðveldara með að koma fram undir nafni; sbr. Sigurjón Þórðarsson og gmariu.

Og hver veit, skrifuðu þau hér undir nafnleysi væru skoðanirnar e.t.v öðruvísi. Nafnleysið býður upp á algjört frelsi; enginn þarf eða fær að nota skoðanir þínar gegn þér nema í sýndarheimum; þér má finnast það sem þú vilt.

Segjum t.d að Butcer skrifaði undir sínu eigin nafni. Svo mundi vinnuveitandi gúggla hann og sjá hans öfgakenndu skoðanir. Það mundi ekki nýtast Butcer vel enda á fólk að hafa möguleika á starfi óháð pólitískum skoðunum.

En þetta er bara mitt take á þessu; eflaust aðrir sem hugsa öðruvísi.

[Hildigunnur]

Mér væri svosem sama þó ég skrifaði undir nafni, enda liggur við að ég geri það því margir hér vita deili á mér og ég er ekki í sérlegum felum. Ég held þó að það myndi flækja líf mitt óþarflega að gera það og ég sé enga sérstaka ástæðu til þess.
Ég skrifa það sem ég skrifa sem ég sjálf og myndi ekki skrifa á neinn annan veg þó kennitala, skónúmer og heimilisfang væru í undirskriftinni minni.

[visir]

Mér væri svosem sama þó ég skrifaði undir nafni, enda liggur við að ég geri það því margir hér vita deili á mér og ég er ekki í sérlegum felum. Ég held þó að það myndi flækja líf mitt óþarflega að gera það og ég sé enga sérstaka ástæðu til þess.
Ég skrifa það sem ég skrifa sem ég sjálf og myndi ekki skrifa á neinn annan veg þó kennitala, skónúmer og heimilisfang væru í undirskriftinni minni.

Skonumer?Nei frekar brjostaskalsnumer...

[feu]

Skonumer?Nei frekar brjostaskalsnumer...

Gat nú verið..

Þraut fyrir Vísir, hver var/er með þessi mál 36-22-36 (í tommum)

[Hildigunnur]

Æ vísir. Skálanúmer líka ef því er að skipta.

[blackbird]

Ég myndi ekki skrifa hérna undir fullu nafni. Ég hef ekki lagt í vana minn að gleypa við öllu frá Baugsmönnum og þeir eru, eins og mönnum ætti að vera ljóst, ekkert sérstaklega ánægðir með þannig fólk. Ég viðurkenni fullum fetum að ég myndi ekki þora að skrifa hérna undir nafni,... allavega ekki í sama tón og ég skrifa núna.

[Brecht]

Eiginlega var ég að velta fyrir mér hvort það séu bara flokksmenn Frjálslynda Flokksins sem skrifa undir nafni.
Mér leiðist þessi politische agitation þeirra.

[Jazz]

Gat nú verið..

Þraut fyrir Vísir, hver var/er með þessi mál 36-22-36 (í tommum)

Ég er ekki Vísir en giska á MM heitna.

[Gorgon]

Eins og ég skil upphafsinnleggið þá er Brecht aðallega að velta því fyrir sér af hverju það eru helst Frjálslyndir sem skrifa hér undir nafni. Þetta er áhugaverður punktur, sem ég hef aldrei velt fyrir mér áður. Er þetta tilviljun, eða laðar flokkurinn að fólk sem er frekar tilbúið að skrifa undir nafni en aðrir?

Satt best að segja er ég ekki viss - en mig langaði bara til að árétta þetta atriði.

Máske má síðan vera að þeir Frjálslyndir sem skrifa hér undir nafni séu einna best í stakk búnir til að svara þessu.