4 replies to this topic

[Svarthol]

Ég tók mér göngu um heiminn
hitti gamlan mann og spurði hann:
"Hver er tilgangurinn í lífinu?"

Það er allt til sölu en ekki tilgangurinn
hann er hvergi að finna
Þú getur keypt bækur um tilganginn
en þú finnur hann ekki þar
Þú getur leitað til trúarbragða
en þú finnur hann ekki þar
Þú getur leitað í sjálfum þér
en þar finnur þú aðeins lítinn part af honum
Tilgangurinn dó fyrir löngu
hann kemur kannski aftur
ef þú heldur áfram þinni kröfugöngu

Þetta sagði gamli maðurinn
sem bar ekkert nafn.

[Svarthol]

líst engum á þetta?

[feu]

Ég hef ekki vit á kveðskap. En finnst þetta bara ágætt þannig lagað.

En..

Ef ég þættist vita eitthvað um þetta, þá mundi gagnrýni mín hljóða eitthvað svona:

1) Finnst vanta hrynjanda í þetta. Ekki endilega endarím, stuðlun eða nákvæm talning atkvæða, heldur svona hrynjanda sér og samhljóða. Þannig fannst mér þetta vera frekar stirt til aflestrar.

2) Innihaldið er háheimspekilegt en finnst það frekar leim að nota kennin, "gamla manninn" og trúarbrögð sem er ofnotað í svona atom ljóðum.

3) Nú varðandi að tilgangurinn náist aðeins með kröfugöngu finnst mér ekki alveg ganga upp. Kröfugöngur í kreppunni þjóna fyrst og fremst þeim tilgangi að gæta réttar okkar í efnislegu tilliti. Seint kaupa heimspekiþenkjandi einstaklingar þann boðskap að eina tilganginn í okkar lífi sé að finna í munni mammons, svo að segja.

4) Loks, þá hefði ég stungið upp á við þig að nota orð eins og sannleikann í stað tilganginn. Og að menn mundu finna hluta af honum með kröfugöngu.

En ég endurtek, ég er algjör skúnkur og þetta er aðeins mitt persónulega mat á svona kveðskap.

[Svarthol]

Með kröfugöngu var ég nú að tala um að halda áfram með lífið og berjast fyrir því að lifa góðu lífi

[feu]

Með kröfugöngu var ég nú að tala um að halda áfram með lífið og berjast fyrir því að lifa góðu lífi

Ok..

Það kemur mun betur út svoleiðis.

Þá er það kannski spurning um að finna orð sem lýsa þessari hugmynd þinni betur?