Verðtrygging og húsnæði, Fátækragildra Íslendinga Options

[labbrabb]

Það er kannski verið að bera í bakkafullan lækinn að fjalla um verðtryggingu hér á þessum síðum en ég stóðst ekki mátið eftir að hafa dundað mér við að reikna pínulítið.

Dæmisagan og forsendur eru eftirtaldar:
Íslendingur og Dani eru í sitthvoru lagi að fjármagna íbúðarkaup að fjárhæð ISK 15 milljónir. Þokkaleg íbúð fyrir fjögurra manna fjölskyldu. Í dæminu geri ég ráð fyrir að báðum bjóðist 100% annuitetslán á 5% vöxtum í 25 ár, afborgun einu sinni á ári. Eini munurinn er sá að lán Íslendingsins er verðtryggt. Verðbólga er áætluð 2% á ári allt tímabilið.

Að 25 árum liðnum hefur Íslendingurinn greitt samtals 34.771.215,-
Verðbættur höfuðstóll: 24.596.356,-
Verðbættir vextir: 14.201.859,-

Danskurinn hefur á sama tíma greitt samtals 26.607.171,-
Höfuðstóll: 15.000.000,-
Vextir: 11.607.171,-

Mismunur á heildargreiðslum er því 8.164.044,-

Hvenær ætla stjórnmálamenn að ranka við sér og breyta fjármálakerfinu hér varanlega og afnema verðtrygginguna svo börnin þeirra þurfi ekki að strita 3-5 árum lengur til að eignast húsnæði í samanburði við nágrannaþjóðir okkar?

Eitt er víst: Bankarnir munu aldrei klippa á axlaböndin og breyta þessu ótilneyddir og því er þetta mál í höndum stjórnmálamanna hvar í flokki sem þeir eru.

[benny49]

Þessar verðtryggingar eru algjör svívirða og í raun ótrúlegt að þær skuli aldrei hafa orðið að kosningamáli, enda mál sem snertir alla landsmenn.

Það er ótrúlegt að sjá hvernig bankarnir mala gull án þess að nokkur geri athugasemd við þetta.

Hvaða rugl er það að bankarnir þurfi að skila gróða (sem gráðugir menn kalla arðsemiskröfu) upp á fleiri milljarða á hverju einasta ári?