17 replies to this topic

[cesil1]

Ykkur hefur sjálfsagt fundist að ég hafi verið fjarlæg undanfarið. Málið er að ég fór í vikufrí á Hornstrandir, þar sem ekkert er rafmagn né internet, þetta var frá síðasta fimmtudegi til þessa fimmtudags, síðan þá hef ég dvalið við dánarbeð föður míns, setið við sjúkrabeðinn, haldið í hönd hans og reynt að vera honum sáluhjálp. Mér fannst það einhvernveginn meira virði en argaþras fólks hér. Stundum verða svoleiðis mál einhvernveginn svo léttvæg þegar kemur að alvöru lífsins, eins og þegar faðir manns er að kveðja þetta líf. Nú í kvöld um áttaleytið kvaddi hann og fór níutíu og tveggja ára gamall. Þó megi segja að þegar svo gamalt fólk fer sé ef til vill ekki tilefni til að syrgja, En elskaði ég þennan föður minn og umgekkst hann mjög mikið, sérstaklega undanfarna mánuði, meðan hann gekk sína göngu niður frá því að vera sérlega sjálfstæður maður til þess að sætta sig við að vera háður okkur börnunum sínum og starfsmönnum sjúkrahússins.
Það sem ég er að reyna að segja ykkur er að biðja um að þið gefið mér næði til að syrgja og gera það sem þarf að gera við svona aðstæður. Ég er frumburður föður míns og móður og finnst að ég þurfi að leiða þá vinnu.
Ég vil því höfða til ykkar betri manns um að gera mér þann greiða að vera vinir og reyna að hugsa til þess að oft má satt kyrrt liggja, og að það er ekkert fengið með því að særa aðra eða reyna að niðurlægja í umræðunni. Það upphefur sig enginn með því að niðurlægja annan.
Með bestu kveðjum Ásthildur Cesil.

[Hawk12]

Ég votta þér og þínu fólki samúð.

Kv, Hawk12

Edited by Hawk12, 16 August 2010 - 02:41.

[Óradís]

Elsku Cesil. Ég votta þér samúð á erfiðum tímum.

[Hrafnkell Daníels]

Mínar innilegustu samúðarkveðjur.

[Jazz]

Samhryggist þér innilega

[Roxanne]

Innilegar samúðaróskir Cesil

[púki]

Innilegar samúðarkveðjur.

[Minna]

Samúðakveðja til þín og þinna Cesil

[krókur]

Ég samhryggist þér Cesil.

[Tembe]

Innilegar samúðarkveðjur.