6 replies to this topic

[Herkúles]

Hvað segja vellesnir málverjar er búið að sporðrenna, og dæma, nokkrar nýjar?

Bókadómar með stjörnum og bulli frá forlögunum og þeim jólasveinum í Kiljunni eru auðvitað einskis virði,
allt í fjölstjörnum og upphrópunum

Guðmundur Andri og Valeyrarvalsinn er þó nokkuð góð, að vísu væmin á köflum,
en skemmtilega byggð upp með trúlegum mannlýsingum og hefur eftirkeim. Sviðið er gamla góða sjávarþorpið...

Edited by Herkúles, 26 December 2011 - 11:23.

[Neisti]

Hjarta mannsins eftir Jón Kalmann Stefánsson stóð fyllilega undir væntingum.

Í mínum huga (og kannski hjarta) er sería Jóns Kalmanns, "Himnaríki og helvíti", "Harmur englanna" og "Hjarta mannsins" bestu íslensku bækurnar síðustu áratugina.

Harmur englanna er þó slakari en hinar tvær. Í Hjarta mannsins nær Jón aftur flugi og býr til einstaklinga sem maður fer að líta á sem fólk sem maður þekkir, fólk sem maður finnur til með. Um leið er þetta snörp lýsing á lífinu uppúr aldamótunum 1900 í sjávarþorpi þar sem aðaláherslan er á stöðu kvenna.

Hef orðið var við að sumir ná ekki ljóðrænunni hjá Jóni Kalmann en fyrir þá sem kunna að meta svona texta er hann algjört nammi.

Þessar þrjár bækur þarf að lesa í réttri röð, tekur því varla á byrja á "hjartanu" nema vera búinn með hinar.

Edited by Neisti, 26 December 2011 - 11:57.

[Neisti]

Gamlinginn sem skeið út um gluggann og hvarf - eftir Jonas Jonasson er bráðskemmtileg bók. Konan mín hló og kimmti á meðan hún las og það sama gerðist síðan með mig.
Létt og auðlesanleg. Góður texti þar sem einfaldleikinn er í fyrirrúmi en kímnin ólgar.

Edited by Neisti, 26 December 2011 - 11:43.

[Óradís]

Hjarta mannsins var einmitt í einum jólapakka til mín þessi jólin en ég hef ekki haft tíma til að hefja lesturinn. Ég hlakka mikið til.

[Neisti]

Lygarinn eftir Óttar M. Norðfjörð er meðalgóður krimmi. Textameðferð hefur batnað hjá honum og tengingarnir við íslenskt þjóðfélag bæta bókina. Persónusköpun mætti vera dýpri. Plottin skemmtileg en fléttulosin ná ekki að skella á manni af neinum þunga.

[Herkúles]

Gamlinginn er stórlega ofmetinn, jú rennur vel áfram en þarna er Forest Gump kominn aftur og jafnvel Gardner sem Peter Sellers lék um árið.
Nútímasagan síðan keimlík mörgum bíómyndum eða hver þekkir ekki pakkann eða töskuna fulla af skítugum peningum og mafían á hælunum á finnandanum?

[Neisti]

Gamlinginn er stórlega ofmetinn, jú rennur vel áfram en þarna er Forest Gump kominn aftur og jafnvel Gardner sem Peter Sellers lék um árið.
Nútímasagan síðan keimlík mörgum bíómyndum eða hver þekkir ekki pakkann eða töskuna fulla af skítugum peningum og mafían á hælunum á finnandanum?

Jú allir gömlu frasarnir eru mættir þarna. Allar klisjurnar. Ofnotuðu nálganirnar. Ofmetnu kvikmyndahetjunar. Ekkert frumlegt.
Rennur bara svo asssskkkooolllllli vel (eins og þú segir)

Engar stjörnur en fjórir broskallar.

Edited by Neisti, 26 December 2011 - 13:04.