14 replies to this topic

[dabbi2000]

Er ég að hugsa þetta eitthvað vitlaust eða... er ekki frábær tími núna til að kaupa fasteign með óverðtryggðu láni þar sem frekara hrun krónunnar (sem verður sífellt líklegara) myndi leiða til gríðarlegrar verðbólgu og lánið fjúka upp - aka, 1980 sagan endurtekur sig...

Mótrök?

[Agent Smith]

Búinn :-)

[appel]

Tja, þar sem þú ert í Lund, Sweden, þá hefði ég litlar áhyggjur af verðtryggingunni

[dabbi2000]

Hmmm, væri hægt að fá einhver skynsamleg svör?

[Landinn]

Það er erfitt að spá í framtíðina á Íslandi.

Til skamms tíma lítur út fyrir að krónan hætti að veikjast og muni jafnvel styrkjast eitthvað. Hins vegar er ómögulegt að segja hvað gerist síðar. Það gæti jafnvel orðið skynsamlegt fyrir eigendur þessara króna sem eru fastar hérna að ráðast í langtímafjárfestingar þegar að þeir sjá fram á það að komast hvort eð er ekki með fé sitt úr landi.

Edited by Landinn, 14 March 2012 - 09:16.

[Kjosandi]

Versta við þetta allt saman er að maður þarf að vera spákaupmaður til að fjárfesta á Íslandi.
Rökin eru góð fyrir óverðtryggðum lánum, en svo eru þau lán bara með örfárra ára fasta vexti. Því getur kröfuhafinn hækkað vexti óstjórnlega þegar fram í sækir.

Við það munu menn segja að maður verði að vita hvað verið er að kvitta upp á. Ekki er hægt að ætlast til þess að fá lánið frítt.

Ég veit hreinlega ekki hvað er best, en kannski er óverðtryggð lán skásti kosturinn. Ef rétt er hjá Heiðari Má að það komi annað hrun 2016, þá verður hvort eð er óðaverðbólga og allt í steik. Þeir sem eru með verðtryggð lán verða þá í skít. Ég held að það sé alveg pottþétt

Hugsanlega líka þeir sem eru með óverðtryggð lán, en hugsanlega verða þeir ekki í skít. Það er kannski skásta haldreipið, það er ekki alveg pottþétt að óverðtryggðir lántakar verði í skít eftir slíkt hrun.

[appel]

Ástandið er svo ruglað hérna að maður veit ekki hvað gerist.

Svo gæti farið að sökum hertra gjaldeyrishafta að gengið styrkist og verðbólgan verði í skefjum. Þó finnst mér það ólíklegt miðað við alla þessa stóru gjalddaga sem eru framundan hjá aðilum á Íslandi.

Að veðja á verðbólgu og gengi á Íslandi er einsog að fara í spilavíti í Las Vegas.

Ég myndi því segja að óverðtryggt lán með föstum vöxtum í 5 ár sé skásti kosturinn, að því gefnu viðkomandi geti greitt lánið upp frekar hratt.

Þetta er reyndar eitthvað sem ég er að fara í akkúrat núna, næstu dögum.

[Neisti]

Okkur tókst að vera með 5% verðbólgu í miðri kreppu.
Það eru þúsundir íbúða óseldar en húsnæðisverð hækkar.
Við erum með krónu sem stjórnendur íslenskra efnahagsmála halda utan um.
Þjóðin skuldar mikið í erlendum gjaldeyri.
Náttúruverndarmenn stoppa uppbyggingu gjaldeyrisskapandi iðnaðar.
Aukinn arður af sjávarauðlindinni fer áfram í vasa fárra. (Stöndum vörð um frið....)
Íslenska eyðsluklóin.....
Allt þetta bendir á aukna verðbólgu.


Er eitthvað sem bendir til þess að verðbólga aukist ekki?

Ef þú stenst það, að óverðtryggðu vextirnir munu snarhækka eftir að binditímanum líkur, þá er yfirgnæfandi líkur á að þetta borgi sig.

[dabbi2000]

Sem sagt óvissa óvissa óvissa en að öllum líkindum hækkandi verðbólga.

En til að 1980 sagan endurtaki sig, verða þá ekki launin að elta verðbólguna líka? Er það tryggt? Gerðist það annars 1980?

[Socrates]

Best er að taka óverðtryggt lán núna en vera tilbúinn að skypta yfir í verðtryggt um leið og að vaxtaendurskoðun kemur. Það er talað um að gjaldeyrishöftin verði afnumin í lok árs 2013. Sumir tala líka um að tunglið sé úr osti. Hvorutveggja er bull. Ef við höldum krónunni þá er kannski raunhæft að afnema gjaldeyrishöftin 2020. Tunglið er og verður aldrei úr osti.

Ef gjaldeyrishöftin verða afnumin í lok árs 2013, þá mundi það þýða mikla gengislækkun, mikla verðbólgu, miklu fleiri gjaldþrot, óheyrilega háa vexti o.s.frv. Það eru svona u.þ.b. 1000 milljaðar sem bíða eftir því að fara út. Segjum sem svo að einungis 30% fari út, 300 milljarðar. ehhh, krónan mundi hrapa um 30-40% með þeim afleiðingum sem bent er á að ofan og kannski verri.

Edited by Socrates, 17 March 2012 - 21:41.