4842 replies to this topic

[Óradís]

Góða nótt. Klukkan er ekki margt en ég ætla samt í ból og vakna snemma. Fullt af verkefnum sem ég þarf að ljúka fyrir klukkan 10 svo það er algerlega kominn tími. Bíð þeim sem nenna á þennan þráð góða nótt og hverf til hvílu. Vona að það virki.
Góða nótt elskurnar.

[cesil]

Góða nótt Óradís mín og Pikkólína. Það er gott að fara í holu þegar maður er þreyttur og syfjaður.
Það er líka gott að hafa verkefni að glíma við. Við skulum ekki gleyma þeim sem hafa engin slík verkefni að vakna til á erfiðum tímum. Það er slítandi. Núna er ég á kafi í að rækta plönturnar mínar það er gefandi starf, og þó ég sé hætt í opinberu starfi, þá finn ég svo sannarlega gleði í að geta loksins einbeitt mér að mínu eigin. Reyndar hringdi einn samstarfsmaður minn í mig um daginn alla leið til Austurríkis til að kanna hvorg ég vildi ekki taka að mér ákveðin svæði í bænum í sumar. Það er ákveðið hrós fyrir mig. En ég held að ég vilji bara fá að vera hér í mínum eigin garði sem hefur liðið fyrir að vera alltaf í öðru sæti vegna bæjarins. Loksins er ég komin að því takmarki að geta verið bara að hlú að mínu og það er voða notaleg tilfinning. Góða nótt elskurnar

[cesil]

Góða nótt, er á kafi í undirbúningi, sáningu priklun og fjölgun blóma. Það er algjör friðþæging en líka bæði tímaþjófur og reynir á minn gamla skrokk. En það sem skiptir mestu máli er að sálin er í góðu jafnvægi, þó ég þurfi að taka tvennskonar gleðitöflur eftir að sonur minn dó. En ég vinn að því hörðum höndum að losa mig undan slíku. Tel að sálinni sé betur borgið að losna við slíkt. En nú er vorið að koma og það gefur svo sannarlega gleði í hjarta og von í brjóst um betri tíð og blóm í haga