Sælir

Ætla ekki að ítreka innihald síðasta innleggs sem leiddi til þess að ég var bannaður hér.

Það að ræða það hvort stjórnandi geti haldið hlutdrægni sinni ætti að vera eðlilegasta mál hér á þessum vef og í raun, lífspursmál fyrir vefinn út frá eðli hans og tilgangs.

Mig langar að fá hreint út til hvers þessar reglur hér að neðan eru og sérstaklega þar sem stjórnandi gaf það út strax og hann byrjaði að hann ætlaði að taka strangt á öllum reglum vefsins.

2.5) Innlegg skulu hafa innihald sem skiptir máli fyrir umræðuna hverju sinni.

2.6) Óheimilt er að birta innlegg sem eru til þess eins ætluð að vekja reiði og valda uppnámi ("Tröll"). Mat stjórnenda á slíkum innleggjum gildir og er endanlegt.

2.7) Óheimilt er að hafa uppi vísvitandi móðganir í garð viðmælanda, stjórnenda eða annarra málverja, hvort heldur er sem beint skítkast eða að slíkt sé gefið í skyn ("Flaming").

2.8) Óheimilt er að leggja aðra notendur í einelti með því að birta innlegg þeim andsnúin langt umfram aðra.

2.10) Umræður skulu vera málefnalegar og snúast um skoðanir en ekki persónur og einkalíf fólks. Málverjum ber að forðast innlegg sem beinast að einkalífi fólks eða persónu þess.

Hér umræddan dag sem ég var bannaður brutu tveir málverjar allar þessur reglur og það ítrekað. Ég reporteraði nokkur innlegg en fékk þau svör að þetta væri í lagi "miðað við umræðuefnið"

Hér eru tvö dæmi (búið að eyða góðum slatta af öðrum núna en það gerðist eftir að ég var bannaður).




Ég varð hreinlega gáttaður og ákvað að prófa að svara eins og þessir meintu brotaþegar og þá varð ég bannaður umleið.

Hvernig stendur á því að ég verð að standa undir því að vera kallaður lygari hér aftur og aftur af einum Málverjanum?

Og alveg sama þótt ég reporti þá er ekkert gert?

Síðan þegar ég minnist á orðið stjórnandi, þá er ég bannaður?

Hvers vegna er sú regla sem minnist á stjórnendur svona miklu mikilvægari en þær reglur sem eiga að bera málefnaleika þessa vettvangs uppi?

Regla 2.7) Lýsir EKKI! flaming heldur einhverju allt öðru og því er nauðsynlegt að fjarlægja orðið flaming úr regluni til þess að virða hugtökin og valda ekki misskilning.

Regla 2.5) Er hægt að túlka mjög vítt eða þröngt, hægri og vinstri og spurning hvort að það væri ekki betra að fjarlægja hana eða bæta við þeim texta Stjórnendum ber að nota þessa reglu af sparsemi og túlka texta hennar í sem allra þrengstum skilningi.

Regla 2.10) Hljómar vitlaust en það mætti gera hana að einhverju sem væri mögulega hægt að líta á sem eitthvað gott með því að orða hana á eftirfarandi hátt: Umræður skulu vera málefnalegar og skulu ekki snúast um notendur og einkalíf þeirra. Málverjum ber að forðast innlegg sem beinast að einkalífi notenda eða persónu þeirra.

Tilgangurinn er að skapa umhverfi þar sem hægt er að skiptast á skoðunum án þess að eiga á hættu að umræðan fari út í skítkast.

Mörkin við því sem leyfist og leyfist ekki verða að liggja einhversstaðar, og þau verða aldrei kristaltær.

Það er ALDREI rétt að svara í sömu mynt ef maður telur á sig hallað á þann veg að kunni að vera brot á reglum. Þeir sem slíkt gera taka á sig áhættuna sem í því felst.

Svo mikið er víst að í hvert skipti sem stjórnendur hafa afskipti af umræðum þá mun EKKI fylgja því rökræða af stjórnenda hálfu hvort þetta meinta brot sé eins alvarlegt og eitthvað annað. Ef einstaka málverjar eru ekki sáttir við að vettvangurinn er ekki 100% fullkominn að þeirra dómi þá er þeim frjálst að leita slíks athvarfs annarsstaðar.



Jú hún gerir það að mati wikipediu:

Hættan við að micro-managera svona umræðuvefi er að í augum margra eru stjórnendur að taka afstöðu með því að banna ákveðna aðila.

Ekki nenni ég að standa í því að "kæra" allt þvaður sem ég fæ á móti mér í umræðum, ólíkt þeim aðilum sem ég er að þvaðra við. Þá bregðast stjórnendur frekar gegn mér, og þá finnst mér að stjórnendur séu að taka afstöðu gegn mér.

Ætlar Kondór1 að lesa alla pósta sem koma hingað inn? Ég býst ekki við því.

Ef ég væri stjórnandi á þessum vef þá myndi ég í mesta lagi skimma hvort þræðir séu komnir út fyrir viðmið varðandi "flaming", og loka þeim þráðum. Svo eru auðvitað vargar hérna inni sem vilja allt skemma, þá er bara að losa sig við þá. Flestir notendur eru þó bara venjulegir notendur, sumir þvaðra meira en aðrir. Með tímanum verður það þannig, þar sem ég er ekki að sjá fyrir mér að Kondór1 sé í fullu starfi við þetta.

Þá eru stjórnendur frekar að auka tjónið fyrir hina sem vilja bara rökræða í rólegheitum, og ganga erinda tröllanna. Það er amk mín skoðun.

Ég er ekki að sjá það að Feu taki allt í einu upp á því að gjörbreyti háttarlagi sínu vegna þessa 3ja daga banns. Menn breytast ekki. E.t.v. passar hann sig á fúkyrðum, en þú losnar ekki við flameið nema þú losir þig við alla notendurnar.

En við bíðum og sjáum hvernig þróunin verður.