Sign in to follow this  
Followers 0
Herkúles

Hin hljóða bylting

33 posts in this topic

Drífa í ASÍ, Ragnar Þór, Sóveig Arna, Vilhjálmur á Skaganum, Sunna og fleira gott fólk stígur fram þessi misserin sem raunverulegir fulltrúar hinna þjáðu stétta.

Við viljum ,,réttlæti-strax"!  Gluggaskrautið í forsæti ríkisstjórnarinnar ætti að sjá sóma sinn í að hlusta og hlusta vel á þetta fólk.

Hljóð er byltingin, til þess að að gera, en margir hóta látum að loknu sumarleyfum

Share this post


Link to post
Share on other sites

Herkúles, af hverju finnst þér það jákvætt að róttækir sósíalistar og jafnvel kommúnistar séu komin í fremstu víglínu stórra verkalýðsfélaga?

Hver heldur þú að verði í hlutverki Beria hjá þeim þegar fram í sækir? Og heldur þú að þú verður óhultur? Þ.e. ef þú sveltur ekki til bana vegna þeirra áður en "Beria" nær þér?

Share this post


Link to post
Share on other sites

Fylgi við fasistaflokka í Evrópu (og víðar) er klárlega hinni hefðbundnu stjórnmálstétt að kenna. Bæði vinstri og hægri. Á nákvæmlega sama hátt og þessir meintu "kommúnistar" sem fleebah talar um, sem eru að brjótast til valda innan verkalýðshreyfingarinnar. Ég mun verða með þeim síðustu (lifi ég það að verða vitni að slíku) til að vorkenna þessum stjórnmálamönnum þegar þeir verða leiddir fyrir aftökusveit af fasistunum. Þeir geta nefnilega svo innilega skrifað þá sök á sjálfan sig. Ef þú sveltir hundinn þinn, þá endar  það með því að hann ræðst á þig, verði hann nógu svangur. Þannig er það bara...

1 user likes this

Share this post


Link to post
Share on other sites

Thad er ekki frjalsu markadoflunum hans fleebah ad thakka ad komid var a skolaskyldu, byggt upp heilbrigdiskerfi og launafolki tryggd manneskjuleg rettindi eins og lagmarkslaun, orlof og lifeyrir. Frjalsu markadsoflin sigudu her og logreglu a launafolk thangad til verkalydsfelogin og stjornmalaflokkar theirra i sameiningu settu bond a fjarmagnid. Thetta veit fleebah enda kys hann Althydufylkinguna likt og allt hugsandi folk.

Share this post


Link to post
Share on other sites
6 hours ago, TinTin said:

Thetta veit fleebah enda kys hann Althydufylkinguna likt og allt hugsandi folk.

Lifi byltingin, kæru félagar!

En án gríns, Ragnar Þór er fínn og Villi á Skaganum. Það eru bara Sólveig og hennar Sancho Panza, Viðar Þorsteinsson, sem valda mér miklum áhyggjum. Ef þið lesið það sem þau láta frá sér fara, og hafa skrifað gegnum tíðina, þá sést vel að þau eru í rauninni kommúnistar a la Sovét. Hamar, sigð og allt það. Allt kennt í Róttæka Sumarskólanum þeirra.

Sólveig anna jónsdóttir kommúnisti.jpg

Varist eftirlíkingar. Þetta er mynd sem Sólveig setti sjálf á Facebook síðu sína. Veltið aðeins fyrir ykkur þessu myndmáli. Mynduð þið kinka kolli í samþykki ef hún hefði sett hakakross nasista á myndina og svo birt? En hamar og sigð? #100Milljónir Já, Sólveig er kommúnisti. Ekki flókið.

Share this post


Link to post
Share on other sites

Það er alveg kominn tími á það að stugga við sjálftökupakkinu sem ríður húsum hér á skerinu. Hvort það þarf harðsvíraða kommúnista eða hóp manna með réttlætiskennd skiptir ekki máli. Þetta fólk, eins og Ragnar og Sólveig, sem hefur komist í lykilstöðu hjá verkalýðshreyfingunni, er ekki líklegt til að sætta sig við ráðandi ástand. Það mun allt blossa á vinnumarkaðnum með haustinu ef ekki verður gert eitthvað róttækt til að jafna kjörin.

Mér sýnast hundarnir séu farnir að svelta fullmikið.

Share this post


Link to post
Share on other sites

Jæja, það er kominn kommúnískur valdbeitingartónn í Sólveigu. Nú vill hún "draga þau til ábyrðgar" sem hafa efnast vel. Hún hljómar meir og meir eins og argasti Politburo meðlimur.

Quote

Segir þurfa að taka markvisst á misskiptingunni í samfélaginu
Sólveig Anna segir að krafan geti ekki bara verið sú að láglaunafólk þurfi að sýna sanngirni, heldur þurfi að draga tekjuhæstu hópana til ábyrgðar. „Stemningin er sú að þessir hópar hafi verið að rífa sig markvisst burt frá því sem almenningur telur skynsamlegt og sanngjarnt í efnahagslegu tilliti.“

Hún segir Eflingu bæði leggja áherslu á hefðbundna kjarabaráttu en líka hið stærra samfélagslega verkefni. „Við viljum taka markvisst á misskiptingunni í samfélaginu. Við höfum talað fyrir verkfæri eins og ójöfnuðarstuðli. Þannig væri hægt að fylgjast með skiptingu tekna og auðs í samfélaginu. Þetta snýst um það hvernig samfélagi við viljum búa í.“

Þetta hljómar eins og hún, í nafni almennings, vilji stilla fólki upp við vegg ef það "á of mikið" að hennar mati. Svona eins og fór fyrir Kúlagönum.

Ég man ekki eftir því að Eflning hafi hingað til verið að skipta sér mikið af pólitík, heldur einbeitt sér að kjarabaráttunni og samningum. En Sólveig ætlar að nýta sér Eflingu sem proxy til að spúa kommúnistaáróðri sínum yfir land og þjóð.

Ég velti fyrir mér hvar hún vilji setja íslensku útgáfuna af Kolyma til að setja alla auðmennina, "draga þá til ábyrgðar". Langanesi? Miðhálendinu?

Share this post


Link to post
Share on other sites

Veltið þessu fyrir ykkur: Svíþjóðardemókratar henda út tveim meðlimum sem voru að gera sig dælt við nasisma. Vísun í Hitler með virðingu, kaupa nasista minjagripi etc.

https://www.mbl.is/frettir/erlent/2018/08/31/langflottasti_gydingurinn_i_sturtuklefanum/

Hvað gerist þegar sósíalistar/kommúnistar gæla við Sovétríkin eða önnur morðæðisríki? Ekkert. Þau eru bara stolt af því og allir eru bara dús með það.

Veltið þessu aðeins fyrir ykkur. Svíþjóðardemókratar eru þarna með meiri og sterkari prinsipp en íslenskir róttækir sósíalistar hvað stuðning meðlima við helfararstefnur síðustu aldar varðar.

Share this post


Link to post
Share on other sites

...það er rétt hjá fleebah tákn kommúnismans og bolshevismans eru ógeðsleg.

Hitt er svo annað mál að ýmislegt leiddi af kommúnismanum, nasisminn aftur á móti var blindgata.

Við getum nefnt sosialisimann og jafnaðarstefnuna, sosialdemokratisma. Á síðastnefndu stefnunni eru skandinavisku löndin reist,

sem þykja í flestu fyrirmynd annarra ríkja í heiminum!

Share this post


Link to post
Share on other sites
1 tíma síðan, fleebah said:

Veltið þessu fyrir ykkur: Svíþjóðardemókratar henda út tveim meðlimum sem voru að gera sig dælt við nasisma. Vísun í Hitler með virðingu, kaupa nasista minjagripi etc.

https://www.mbl.is/frettir/erlent/2018/08/31/langflottasti_gydingurinn_i_sturtuklefanum/

Hvað gerist þegar sósíalistar/kommúnistar gæla við Sovétríkin eða önnur morðæðisríki? Ekkert. Þau eru bara stolt af því og allir eru bara dús með það.

Veltið þessu aðeins fyrir ykkur. Svíþjóðardemókratar eru þarna með meiri og sterkari prinsipp en íslenskir róttækir sósíalistar hvað stuðning meðlima við helfararstefnur síðustu aldar varðar.

Var að koma frá Svíþjóð í gær. Ég hlustaði á viðtal við Jimmie Åkesson, leiðtoga SD í fyrradag. Ég varð ekki var við neina þessa róttækni hjá JÅ. Honum virtist vera meira hugleikið hvort P3 útvarpsstöðin (svipað og Rás 2 hjá okkur) sænska yrði lögð niður, en hvort landið fylltist af útlendingum. SD fyrir mér er miklu meira popúlistaflokkur, heldur en rasískur stjórnmálaflokkur. Kom mér svolítið á óvart satt að segja.

Share this post


Link to post
Share on other sites
1 hour ago, Skrolli said:

 SD fyrir mér er miklu meira popúlistaflokkur, heldur en rasískur stjórnmálaflokkur. Kom mér svolítið á óvart satt að segja.

Athyglisvert. Við höfum heyrt í fjölmiðlum í langan tíma hversu rasískir SD eru og hata útlendinga og litað fólk. Hljómar eins og hérlendir fjölmiðlar hafi stokkið á SJW heyvagninn sem kallar alla rasista sem ekki eru No-Border eða því sem næst. Athyglisvert.....

Share this post


Link to post
Share on other sites
28 mínútum síðan, fleebah said:

Athyglisvert. Við höfum heyrt í fjölmiðlum í langan tíma hversu rasískir SD eru og hata útlendinga og litað fólk. Hljómar eins og hérlendir fjölmiðlar hafi stokkið á SJW heyvagninn sem kallar alla rasista sem ekki eru No-Border eða því sem næst. Athyglisvert.....

Þeir eru kannski orðnir þreyttir á því að enginn vill vera memm...þrátt fyrir að þeir séu þriðji stærsti stjórnmálaflokkurinn þar í landi! Algjörlega áhrifalausir. Kannski vilja þeir aðeins mýkja rasistastimpilinn...hver veit.

Share this post


Link to post
Share on other sites
On 8/9/2018 at 1:47 AM, jenar said:

Fylgi við fasistaflokka í Evrópu (og víðar) er klárlega hinni hefðbundnu stjórnmálstétt að kenna. Bæði vinstri og hægri. Á nákvæmlega sama hátt og þessir meintu "kommúnistar" sem fleebah talar um, sem eru að brjótast til valda innan verkalýðshreyfingarinnar. Ég mun verða með þeim síðustu (lifi ég það að verða vitni að slíku) til að vorkenna þessum stjórnmálamönnum þegar þeir verða leiddir fyrir aftökusveit af fasistunum. Þeir geta nefnilega svo innilega skrifað þá sök á sjálfan sig. Ef þú sveltir hundinn þinn, þá endar  það með því að hann ræðst á þig, verði hann nógu svangur. Þannig er það bara...

Ég get verið sammála þessu en segi Jenar, þú ert ekki það vitlaus að trúa því að veðrið sé ónýtt af mannavöldum. Og á meðan að allt var að fara í hundanna í alvöru, varst þú í því að bjarga veðrinu. þá vegna þess að öll þín hugmyndafræði var hrunin og þá að skipta henni út fyrir að vondu kapítalistarnir hefðu eyðilagt veðrið.

Þér finnst kannski að loftslagið eigi að vera á Gróðurhúsaþræðinum, en ég segi að loftslagið sé miðjan byrjunin og endirinn á allri stjórnmálaumræðu í dag. Að framtíðinn muni horfa aftur til okkar tíma og sjá loftslagdmálin álíka og galdra ofsóknirnar áður, sama hópgeðveikin í gangi. 

Share this post


Link to post
Share on other sites
On 09/08/2018 at 3:34 AM, fleebah said:

Hver heldur þú að verði í hlutverki Beria hjá þeim þegar fram í sækir? Og heldur þú að þú verður óhultur? Þ.e. ef þú sveltur ekki til bana vegna þeirra áður en "Beria" nær þér?

Þegar ég minntist á Beria þá var það nú eiginlega bara satíra (satíra er grín með smá korni af sannleika). En þetta er í alvöru að þróast í átt að alræði, harðræði, spillingu, ofríkis og .... það sem er bara basic kommúnismi.

Quote

Mik­il átök á skrif­stofu Efl­ing­ar
Sam­kvæmt lýs­ing­um nú­ver­andi og fyrr­ver­andi starfs­manna Efl­ing­ar stétt­ar­fé­lags hafa þau Sól­veig Anna Jóns­dótt­ir, formaður Efl­ing­ar, og Viðar Þor­steins­son fram­kvæmda­stjóri gjör­breytt vinnustaðnum og vinnu­and­an­um til hins verra.

Þau eru sögð stjórna með of­ríki og hót­un­um, að því er fram kem­ur í um­fjöll­un um mál þetta í Morg­un­blaðinu í dag.

Fjár­mála­stjóri Efl­ing­ar í ára­tugi er kom­inn í veik­inda­leyfi eft­ir átök við Sól­veigu Önnu og Viðar. Ástæðan mun vera sú að hún neitaði að greiða Öldu Lóu Leifs­dótt­ur, eig­in­konu Gunn­ars Smára Eg­ils­son­ar, for­manns Sósí­al­ista­flokks­ins, háan reikn­ing, nema hann væri fyrst samþykkt­ur af stjórn Efl­ing­ar. Áður hafði Alda Lóa fengið greidd­ar um fjór­ar millj­ón­ir króna og hafði sú greiðsla verið samþykkt af stjórn.

Höfundur þess að Sólveig og hinn kommúnistinn, Viðar, kæmust að í Eflingu, þ.e. Gunnar Smári, kemur með smekkleysu sem aðeins honum einum er lagið. Sem svo fjármálastjórinn mótmælir 

Quote

Mót­mæl­ir ásök­un­um Gunn­ars

„Ég mót­mæli þeim ásök­un­um sem á mig eru born­ar,“ sagði Kristjana Val­geirs­dótt­ir, fjár­mála­stjóri Efl­ing­ar, í sam­tali við Morg­un­blaðið.

Gunn­ar Smári Eg­ils­son, for­ystumaður í Sósí­al­ista­flokkn­um, skrifaði í Miðjuna og á Face­book um launuð störf eig­in­konu sinn­ar fyr­ir Efl­ingu. Hann nafn­greindi þar Kristjönu og vændi hana um að hafa gert greiðslur til Öldu Lóu að frétta­efni vegna deilna við yf­ir­menn sína á skrif­stofu fé­lags­ins.

Hann sakaði einnig Kristjönu um spill­ingu í starfi, en í Morg­un­blaðinu í dag vill hún ekki svara ásök­un­um Gunn­ars Smára, seg­ir þær í hönd­um lög­manns henn­ar.

„Það er mjög at­hygl­is­vert að starfsmaður stétt­ar­fé­lags til 36 ára, sem unnið hef­ur und­ir stjórn þeirra Guðmund­ar J., Hall­dórs Björns­son­ar og Sig­urðar Bessa­son­ar, þurfi að ráða sér lög­mann til að verja sig þegar stétt­ar­fé­lagið hef­ur það hlut­verk sam­kvæmt lög­um að verja launa­menn,“ seg­ir Kristjana í sam­tali við Morg­un­blaðið.

Fram kom í frétta­skýr­ingu Agnes­ar Braga­dótt­ur í Morg­un­blaðinu á laug­ar­dag að ekki væri allt með felldu á skrif­stofu Efl­ing­ar. Formaður og fram­kvæmda­stjóri fé­lags­ins voru sögð stjórna með harðri hendi og formaður­inn hafa neitað að svara því efn­is­lega hvers vegna tveir af reynd­ustu starfs­mönn­um fé­lags­ins, fjár­mála­stjóri og bók­ari, væru komn­ir í veik­inda­leyfi. Ein ástæðan var sögð sú að fjár­mála­stjór­inn hefði neitað að greiða háa reikn­inga frá Öldu Lóu vegna vinnu henn­ar fyr­ir fé­lagið nema fá samþykki stjórn­ar Efl­ing­ar fyr­ir greiðsl­un­um.

„Sam­kvæmt upp­lýs­ing­um blaðamanns er loft lævi blandið á skrif­stofu Efl­ing­ar. Sól­veig Anna Jóns­dótt­ir formaður og Viðar Þor­steins­son fram­kvæmda­stjóri eru sögð stjórna með harðri hendi og starfs­fólki jafn­vel hótað áminn­ingu í starfi af minna en engu til­efni.

Sól­veig Anna formaður frá því í vor, bar við trúnaði við starfs­menn og neitaði að svara efn­is­lega, þegar hún var spurð um ástæður þess að tveir af reynslu­mestu starfs­mönn­um fé­lags­ins, fjár­mála­stjór­inn og bók­ari, eru komn­ir í ótíma­greint veik­inda­leyfi. Ástæðan er m.a. sú, sam­kvæmt upp­lýs­ing­um Morg­un­blaðsins, að fjár­mála­stjór­inn neitaði að greiða háan inn­send­an reikn­ing frá Öldu Lóu Leifs­dótt­ur, eig­in­konu Gunn­ars Smára Eg­ils­son­ar, for­manns Sósí­al­ista­flokks­ins, helsta bak­hjarls Sól­veig­ar Önnu í bar­átt­unni um for­mennsk­una, án þess að fyr­ir lægi samþykki stjórn­ar Efl­ing­ar fyr­ir greiðslu reikn­ings­ins. Sam­kvæmt upp­lýs­ing­um Morg­un­blaðsins var þessi af­greiðslu­hátt­ur fjár­mála­stjór­ans byggður á ára­tuga hefðum og hef­ur aldrei verið ve­fengd­ur, þar til nú,“ seg­ir meðal ann­ars í frétta­skýr­ing­unni en áskrif­end­ur geta lesið hana í heild í Morg­un­blaðinu á laug­ar­dag.

 

Share this post


Link to post
Share on other sites

Ég sagði það í upphafi, þegar Sólveig Anna var kosinn í embættið eftir stór og skipulögð drottningarviðtöl í fjölmiðlum (Gunnar Smári að kippa í spotta?) að þarna væri hættulegur einstaklingur því hún er svo gersamlega blinduð af lenínískum marxisma að hún er í raun á pari við sósíalista sem leggja efnahag og annað í rúst í nafni réttlætis.

Nú er hún að keyra áfram, ásamt félaga sínum í kommúnismanum honum Viðari, að breyta ávöxtun sjóða Eflingar í nafni réttæltis, hvað sem það er nú í þeirra augum. Efling vill flytja fjármuni frá Gamma .  Sem sagt, þau vilja fara í verri ávöxtun. Er það það sem félagsmenn vilja? 

En hei, þau vilja heldur ekki láta fjalla illa um sig. Merkilegt með komma hvað þeim sárnar  það þegar þau eru böstuð við slæma hegðun, hvað þau vilja fá að stunda slíkt í friði frá almanna athygli. En ef þau sjá svona hegðun hjá öðrum (t.d. Gamma), þá, já þá, öskra þau illyrði eins og þau eiga lífið að leysa. T.d. þessi ákvörðun gagnvart Gamma. Er umfjöllunin um Gamma ekki bara það sama og var verið að gera með þau sjálf? Að benda á að líklega væri í gangi spilling og ofríki hjá Eflingu?

Quote

Sögð sárna nei­kvæð um­fjöll­un um Efl­ingu

Umræða fjöl­miðla um starf skrif­stofu Efl­ing­ar hef­ur á köfl­um verið óvönduð og æs­inga­kennd, að því er seg­ir í yf­ir­lýs­ingu sem birt er á vef stétt­ar­fé­lags­ins.

Formaður og fram­kvæmda­stjóri fé­lags­ins hafi hins veg­ar átt góð og hrein­skipt­in sam­töl um málið á trúnaðarráðsfundi og fé­lags­fundi á þriðju­dags­kvöld og svo á starfs­manna­fundi nú í morg­un. Fram hef­ur komið að starfs­fólki og fé­lags­mönn­um Efl­ing­ar sárn­ar sú nei­kvæða um­fjöll­un sem átt sér hef­ur stað um vinnustaðinn og fé­lagið.

„Okk­ur þykir mjög miður að heiður og æra starfs­manna­hóps Efl­ing­ar í heild hafi verið dreg­in í efa á op­in­ber­um vett­vangi. Slíkt er að ósekju. Við ber­um traust til starfs­fólks Efl­ing­ar, sem vinn­ur mjög gott og vandað starf við að vernda hags­muni verka­fólks, oft und­ir miklu álagi,“seg­ir í yf­ir­lýs­ing­unni.

Er starfs­fólki þá þakkað fyr­ir þann „skiln­ing og þol­in­mæði“ sem það hafi sýnt  „vegna breyt­inga og nýrra áherslna í starfi fé­lags­ins“.

Það er magnað hvað sjá hversu fljót þau voru að sýna sitt rétta andlit, þessir ültra-sósíalistar úr Róttæka Sumarskólanum.

Share this post


Link to post
Share on other sites

Er einhverjum öðrum til að dreifa sem gætu brýnt tennur verkalýðshreyfingarinnar?

Ég held að hægri kapítalistar séu ekki líklegir til árangurs, né heldur miðju sósíal demókratar sem eru marineraðir upp úr markaðshyggju og hugmyndum kapítalista.

Share this post


Link to post
Share on other sites

Jæja, the plot thickens.

Quote

For­ysta Efl­ing­ar gagn­rýnd harðlega
Formaður og fram­kvæmda­stjóri Efl­ing­ar voru harðlega gagn­rýnd á fundi með starfs­fólki fé­lags­ins fyr­ir að hafa í engu svarað gíf­ur­yrðum og hörðum árás­um Gunn­ars Smára Eg­ils­son­ar á starfs­mann fé­lags­ins til ára­tuga, fjár­mála­stjór­ann.

Kem­ur þetta fram í sam­tali við starfs­mann fé­lags­ins. „Hver á fæt­ur öðrum lýsti óánægju sinni með þegj­anda­hátt tví­menn­ing­anna og frómt frá sagt var fátt um svör hjá Sól­veigu Önnu [Jóns­dótt­ur] og Viðari [Þor­steins­syni],“ seg­ir starfsmaður­inn í um­fjöll­un um mál þetta í Morg­un­blaðinu í dag

Þess­ara umræðna var í engu getið í yf­ir­lýs­ingu „vegna um­fjöll­un­ar í fjöl­miðlum“ sem Sól­veig og Viðar birtu á vef Efl­ing­ar að fundi lokn­um. Þar var þó sagt að þau bæru traust til starfs­fólks­ins.

Fyrst var fjallað um mál­efni Efl­ing­ar í frétta­skýr­ingu Agnes­ar Braga­dótt­ur í Morg­un­blaðinu á laug­ar­dag.

Óvin­veitt yf­ir­taka á Efl­ingu?
Ekki er allt með felldu í Efl­ingu stétt­ar­fé­lagi, einkum á skrif­stofu fé­lags­ins, en þar starfa um 50 manns, hjá þessu næst­stærsta stétt­ar­fé­lagi land­ins, sem tel­ur yfir 19 þúsund manns. Sam­kvæmt upp­lýs­ing­um blaðamanns er loft lævi blandið á skrif­stofu Efl­ing­ar. Sól­veig Anna Jóns­dótt­ir formaður og Viðar Þor­steins­son fram­kvæmda­stjóri eru sögð stjórna með harðri hendi og starfs­fólki jafn­vel hótað áminn­ingu í starfi af minna en engu til­efni.

Sól­veig Anna formaður frá því í vor, bar við trúnaði við starfs­menn og neitaði að svara efn­is­lega, þegar hún var spurð um ástæður þess að tveir af reynslu­mestu starfs­mönn­um fé­lags­ins, fjár­mála­stjór­inn og bók­ari, eru komn­ir í ótíma­greint veik­inda­leyfi. Ástæðan er m.a. sú, sam­kvæmt upp­lýs­ing­um Morg­un­blaðsins, að fjár­mála­stjór­inn neitaði að greiða háan inn­send­an reikn­ing frá Öldu Lóu Leifs­dótt­ur, eig­in­konu Gunn­ars Smára Eg­ils­son­ar, for­manns Sósí­al­ista­flokks­ins, helsta bak­hjarls Sól­veig­ar Önnu í bar­átt­unni um for­mennsk­una, án þess að fyr­ir lægi samþykki stjórn­ar Efl­ing­ar fyr­ir greiðslu reikn­ings­ins. Sam­kvæmt upp­lýs­ing­um Morg­un­blaðsins var þessi af­greiðslu­hátt­ur fjár­mála­stjór­ans byggður á ára­tuga hefðum og hef­ur aldrei verið ve­fengd­ur, þar til nú.

Hall­ar­bylt­ing í vor
Mönn­um er í fersku minni þegar hall­ar­bylt­ing var gerð í fé­lag­inu snemma á þessu ári og B-listi und­ir for­ystu Sól­veig­ar Önnu Jóns­dótt­ur, sem var ræki­lega studd af Sósí­al­ista­flokki Gunn­ars Smára Eg­ils­son­ar tók völd­in og felldi lista Sig­urðar Bessa­son­ar og fé­laga. Ekki má gleyma því að kosn­ingaþátt­taka var ein­ung­is um 10%. B- list­inn fékk átta stjórn­ar­menn en A-list­inn sjö.

Sól­veig Anna kom svo til fund­ar á skrif­stofu Efl­ing­ar, vopnuð hægri hönd sinni, Viðari Þor­steins­syni, og kynnti hann til sög­unn­ar á fund­in­um sem sinn næ­stráðanda og rak þannig skrif­stofu­stjór­ann, Þráin Hall­gríms­son, nán­ast í beinni út­send­ingu og án þess að eiga orðastað við hann um þessa fyr­ir­ætl­an sína. Áður höfðu Sól­veig Anna og Viðar losað sig við hag­fræðing fé­lags­ins, Hörpu Ólafs­dótt­ur.

Sam­kvæmt heim­ild­um Morg­un­blaðsins mun tví­eykið, Sól­veig Anna og Viðar, hafa gefið það út að ekki yrði um frek­ari hreins­an­ir á skrif­stofu Efl­ing­ar að ræða, af þeirra hálfu.

En það kom babb í bát­inn, því Alda Lóa Leifs­dótt­ir er sögð hafa mætt á skrif­stofu Efl­ing­ar í Guðrún­ar­túni 1, fyr­ir skemmstu, þar sem hún hitti fjár­mála­stjóra Efl­ing­ar í ára­tugi að máli og Alda Lóa lagði fram digran reikn­ing, upp á um eina millj­ón króna, eft­ir því sem næst verður kom­ist, og vildi fá reikn­ing­inn greidd­an m.a. vegna ljós­mynda sem hún hefði tekið í þágu Efl­ing­ar. Áður hafði Alda Lóa fengið um 4 millj­ón­ir króna greidd­ar vegna svipaðra verk­efna og gerðar mynd­bands, sem meiri­hluti stjórn­ar hafði samþykkt.

Svör fjár­mála­stjór­ans munu hafa verið á þann veg að svona háa reikn­inga gæti hún ekki greitt öðru­vísi en ákvörðun stjórn­ar Efl­ing­ar fyr­ir út­gjöld­un­um lægi fyr­ir.

Sam­kvæmt upp­lýs­ing­um Morg­un­blaðsins hafa vinnu­brögð fjár­mála­stjór­ans, áður gjald­ker­ans, sem lýst er hér að ofan, í ára­tugi verið sögð ein­kenn­andi fyr­ir henn­ar ábyrgu af­stöðu í starfi. Hún starfi sam­kvæmt grund­vall­ar­regl­um og hafi ávallt gert. Um þetta ber viðmæl­end­um Morg­un­blaðsins sam­an, hvort sem um óbreytta fé­lags­menn í Efl­ingu er að ræða eða nú­ver­andi og fyrr­ver­andi starfs­menn. Þeir segja að hún hafi verið ein­stak­lega far­sæll starfsmaður í gegn­um tíðina og mik­ill feng­ur hafi verið í henni. Fjár­mála­stjór­inn hóf fyrst störf hjá Gvendi Jaka (Guðmundi J. Guðmunds­syni) snemma á átt­unda ára­tug síðustu ald­ar, þegar hann var formaður Verka­manna­fé­lags­ins Dags­brún­ar. Það var svo snemma á tí­unda ára­tugn­um sem hún tók við gjald­ker­a­starf­inu hjá Efl­ingu.

Við þessa af­stöðu fjár­mála­stjór­ans hljóp þeim Sól­veigu Önnu og Viðari kapp í kinn og þau vildu leiðrétta það hið snar­asta hver tæki ákv­arðanir á skrif­stofu Efl­ing­ar, hvort sem það varðaði ákv­arðanir um fjár­mál eða annað.

Og ekki batnaði and­rúms­loftið þegar ljóst varð að bók­ari á skrif­stofu Efl­ing­ar til fimmtán ára tók ein­dregna af­stöðu með fjár­mála­stjór­an­um, sem varð til þess að hún féll líka í ónáð hjá hinu ráðandi tví­eyki, Sól­veigu Önnu og Viðari.

Bæði fjár­mála­stjór­inn og bók­ar­inn eru komn­ar í ótíma­greint veik­inda­frí frá störf­um sín­um á skrif­stofu Efl­ing­ar, eft­ir því sem næst verður kom­ist, og sömu­leiðis hef­ur blaðamaður heim­ild­ir fyr­ir því að þeirra mál gagn­vart Efl­ingu séu nú í hönd­um lög­fræðinga þeirra. Hvor­ug vildi ræða við blaðamann, þegar eft­ir því var leitað.

Sól­veig Anna var í ljósi þess sem hef­ur verið að ger­ast á skrif­stofu Efl­ing­ar að und­an­förnu, spurð hvort draga mætti þá álykt­un að Sósí­al­ista­flokk­ur­inn væri að taka yfir öll völd í 19 þúsund manna stétt­ar­fé­lagi: „Ég held bara að ég svari þessu þannig, að ég hljóti að vera bund­in full­um trúnaði um þessi mál og ég kýs að tjá mig ekki um innri mál skrif­stof­unn­ar, sök­um trúnaðar við starfs­fólk,“ sagði Sól­veig Anna.

„Jahá! Plot thickens!“
Blaðamaður sagði for­manni Efl­ing­ar, að sam­kvæmt upp­lýs­ing­um Morg­un­blaðsins hafi fjár­mála­stjóri Efl­ing­ar í ára­tugi neitað að greiða Öldu Lóu Leifs­dótt­ur háan reikn­ing, nema hann væri upp­áskrifaður og samþykkt­ur af stjórn Efl­ing­ar. Við þessi tíðindi hafi hún, formaður fé­lags­ins og henn­ar nán­asti sam­starfsmaður, Viðar Þor­steins­son, brugðist ókvæða við og nú sé fjár­mála­stjór­inn auk bók­ara komn­ir í ótíma­greint veik­inda­leyfi. Sól­veig Anna var spurð hverju hún svaraði til um lýs­ingu at­b­urða og hvort þetta væri ekki al­var­leg vís­bend­ing um að Sósí­al­ista­flokk­ur­inn, í sam­vinnu við hana og Viðar, væri að reyna að taka Efl­ingu, 19 þúsund manna stétt­ar­fé­lag og digra sjóði fé­lags­ins upp á 12 millj­arða króna, yfir:

„Jahá! Plot thickens!“ sagði Sól­veig Anna og bætti svo við: „Ég skal segja þér það í full­um trúnaði, að þarna er ekki rétt farið með, en að öðru leyti ætla ég ekki að tjá mig um þetta mál.“

Þá var Sól­veig Anna spurð hvort hún væri samþykk því að viðhalda þeirri hefð sem ríkt hefði í marga ára­tugi hjá Efl­ingu og for­vera henn­ar Dags­brún, allt frá dög­um Gvend­ar Jaka, að hvorki for­menn né æðstu starfs­menn fé­lags­ins væru nokk­urn tíma prókúru­haf­ar fé­lags­ins, þar sem meg­in­regl­an hafi verið sú að aðskilja ákvörðun­ar­valdið frá reikn­ings­hald­inu og út­gáfu pen­inga­legr­ar ábyrgðar og aft­ur neitaði formaður­inn að tjá sig og bar enn á ný fyr­ir sig trúnað við starfs­menn.

Sem sagt, þau funda með starfsfólki Eflingar, það er fjörug umræða og starfsfólkinu svíður framkoma Gunnars Smára. Gunnar Smári er sá sem kom Sólveigu á framfæri með því að redda henni stórum drottningaviðtölum í öllum stóru prentmiðlunum nema Mbl.is. Gunnar Smári er velgjörðarmaður Sólveigar. En svo ræðst hann mjög harkalega á fjármálastjóra Eflingar, með dylgjum og rætnum ásökunum, þó svo að fjármálastjórinn sé bara leiksoppur í umfjöllun fjölmiðla, er ekki heimildin. Og hvað gerir Sólveig? Hún ekki svo mikið sem gefur upp bofs opinberlega þar sem hún ber blak af fjármálastjóranum gagnvart Gunnari Smára.

Vel gert, Efling. Þið félluð fyrir krúttvæðingu kommúnista. En kommúnisti er bara kommúnisti og getur ekki hamið sig eins og við erum að verða vitni að þessa dagana.

Nú velti ég því fyrir mér, hvort þetta prókúrumál sem er í síðustu málsgreininni, sé tengt því að Sólveig og co vilja taka sjóði Eflingar úr stýringu hjá Gamma og fara með það..... Hvert? Og bæta sinni prófkúru á það í leiðinni? Kannski? Og tæma sjóði Eflingar í leiðinni? Í nafni réttlætis og jöfnuðar? Ekki eins og það yrði í fyrsta skipti sem slíkt gerist.

Share this post


Link to post
Share on other sites

Ef einhver er að efast um hversu mikið kommúnismi skiptir hana Sólveigu Önnu (já, kommúnismin sem drap tugi milljóna á síðustu öld) þá er ákaflega upplýsandi að lesa hennar eigin frásögn af upplifun þess að einhver skuli segja að kommúnismi sé morðæðisstefna frá helvíti. Hún bregst ekki vel við, hennar trúarbrögð, hennar hugmyndafræði situr undir gagnrýni.

Þetta segir allt sem segja þarf um hvaða mann Sólveig Anna hefur að geyma.

Quote

 

Sólveig anna jónsdóttir kommúnisti.jpg

Sólveig segir Sveppa dónalegan og Gunna barnalegan:„Frægt fólk þarf ekkert endilega að vera kurteist“
Sólveig Anna Jónsdóttir, nýkjörinn formaður Eflingar, gerir upp á Facebook-síðu sinni viðtal sitt við Gísla Martein síðastliðið föstudagskvöld. Hún segir Gísla sjálfan hafa verið indælan en það sama megi ekki segja um gesti hans, Sveppa og Gunnar Helgason.

„Í Sófanum í agalega ljótum en þjóðlegum pólýesterbol sat Gunni, úr Gunna og Felix, ásamt tveimur öðrum gestum. (Ég hlustaði mikið á Gunna og Felix með Nonna þegar hann var lítill. Lagið um Markó Póló er td. ennþá oft spilað inní höfðinu á mér og stundum tekur heilinn smá snúning á þema-laginu úr Trausti og Trygg. Hef semsagt ávallt verið Gunna sérlega vinveitt sem einhverskonar samferðamanns um ímyndunarafls-lendur bernsku ástkærs sonar míns),“ segir Sólveig.

Í símanum í setti
Hún segir að allt hafi gengið kurteislega og vel fyrir sig framan af, fyrir utan hegðun Sveppa. „Sveppi var ekki mjög kurteis, í símanum, í sjónvarpinu, meðan aðrir voru að tala, en það er sennilega vegna þess að frægt fólk þarf ekkert endilega að vera kurteist eða að kurteist fólk verður ekki endilega frægt? Ég veit það ekki alveg, veit skammarlega lítið um frægt fólk, finnst bara rétt, sem fullorðinni konu, að gera athugasemd við mikla símanotkun, sérstaklega í sjónvarpi,“ segir Sólveig.

Hún gagnrýnir þó Gunnar Helgason öllu meira. „Allavega, allt gekk kurteislega, vel og spjallþáttalega fyrir sig þangað til Gunni ákvað að næla sér í sviðsljós með því að segja söguna af því þegar hann bjó í Júgóslavíu og kvaldist undir kerfinu þar og ákvað einnig að sýna okkur að hann hefði sannarlega mótast sem krati á síðustu metrum síðustu aldar, þegar sagan endaði og þriðja leiðin fann það út að best væri að skauta á ó-antagónískan máta yfir og framhjá sannleikanum um stéttir og stéttaátök, sannleikanum um eðli samfélagsins, með því að taka upp orðræðu hægrisins, til að eiga möguleikann á að ná völdum í samfélaginu í samvinnu við auðstéttina, þegar hann sagði að kommúnismi væri það sama og fasismi og nasismi og afgreiddi þannig -allar hefðir kynslóðanna sem hvíla sem martraðir á heilum þeirra hinna lifandi- á hlaupum/skautum,“ segir Sólveig.

Barnaleg afstaða
Sólveig sagði á föstudaginn að þessi afstaða Gunna væri barnaleg og í stöðufærslunni skýrir hún þau orð nánar. „Ég sagði að afstaða Gunna gagnvart kommúnisma væri barnaleg og Gísli Marteinn kallaði hann krata, en íslenskir kratar eru einmitt dálítið þekktir fyrir að vara við hinu og þessu og líta fram hjá því að þeir vara alls ekki nógu mikið við sjálfum sér og sögulegri tilhneigingu til mikillar samvinnu við heimsvaldastefnu og auðvald, svo dæmi séu nefnd. Það er ekki kurteist að gera lítið úr skoðunum fólks með því að kalla þær barnalegar þannig að ég hef fundið fyrir sterkri þörf síðan á föstudagskvöldið til að útskýra aðeins betur hvað ég átti við. Fyrst reyndi ég að láta sem ég heyrði ekki í suðinu inní mér, en verð svo auðvitað, eins og öll sem eiga svo suðandi heila vita, að láta undan og rölta örstutt niður að hinum sögulega drullupolli sem and-kommúnisminn er og standa aðeins við hann og reyna í stuttu máli að leiðsegja fólki burt frá honum,“ segir Sólveig.

Ekki í sambandi við veruleikann
Hún segir að Júgóslavía Gunna eigi lítið skylt við réttindabaráttu íslensk verkafólks. „Róttæk barátta dagsins í dag er ekki kaldastríðs barátta síðustu aldar. Róttæk barátta dagsins í dag er barátta gegn hömlulausu auðvaldi sem, ma. vegna þess að flest gáfust meira og minna upp við að varðveita hugmyndir um samfélag réttlætis og jöfnuðar, hefur fengið að sölsa undir sig og eigna-væða samfélagsleg gæði á kostnað almennings.

„Það er til marks um að fólk sé ekki í sambandi við raunveruleika þann sem blasir við okkur á stóra sviði veraldarsögu nútímans (sem við öll sjáum ef við hættum að líta undan) að það finnið sig knúið til að benda á eitthvað sem engu máli skiptir fyrir líf þeirra sem þjást undir samfélagslegu ægivaldi arðráns og stéttskiptingar, að það ætli að draga tennur úr róttækri baráttu samtímans með því að eyða tíma fólks í upphrópanir og þras,“ segir Sólveig.

Sovétríkin löngu horfin
Hún segir það barnalegt að afskrifa umræðuna með vísan í dvöl í einhverju landi. „Það er barnalegt að afvegaleiða umræðuna þegar talað er um arðrán og aðra glæpi kapítalismans með því að segja sögur úr Einu sinni var ég skiptinemi (í setti þar sem stuttu áður annar gestur hvatti alla til að búa í eitt ár erlendis með börnin sín, hvatningu sem væri hægt að nota sem dæmi um forréttindablindu þeirra vel settu sem lifa í þannig efnahagslegum raunveruleika að fátt stoppar uppfyllingu draumanna nema takmarkanir ímyndunaraflsins) og bulla um nasisma og fasisma. Það er óumdeilanlega barnalegt,“ segir Sólveig.

Hún segir að umræða um Sovétríkin í þessu samhengi eigi ekki við. „Ef fólk heldur að það sé á einhvern hátt relevant að tala um ástandið í austantjaldslöndum undir lok Sovétríkjanna við fólk sem er einfaldlega að gera þá kröfu að geta lifað af launum sínum, er það aðeins til marks um hversu algerlega menn eru úr tengslum við raunveruleikann. Sovétríkin eru löngu horfin en kapítalisminn og arðránið standa eftir óhögguð, uppblásin og sadísk, með sín ótal andlit, eftir því við hvern talað er, og ljótasta andlitið aðeins sýnt hinum lágt settu svo að millistéttin og forréttindahópar þurfi ekki að leggja það á sig að líta undan í skömm og hryllingi yfir andstæðunum sem boðið er uppá í „frjálsu og lýðræðislegu samfélagi“,“ segir Sólveig.

Sólveig segir að lokum að Stalín og hans verk eigi lítið skylt við sig: „Í kosningabaráttunni okkar hitt ég allskonar fólk sem sagði frá allskyns hlutum , ma. mann kominn nálægt sjötugu sem tók í hendina á mér og sagði:

„Ég og konan mín höfum ekkert á milli handanna, ekkert. Hún er sjúklingur og ég get ekki hætt að vinna því að að við höfum ekkert á milli handanna.“

„Þegar ég hugsa um þetta og allt hitt sem ég hef bæði heyrt og upplifað, allar sögur samverkakvenna minna um blankheit, basl, áhyggjur, missi og það að finnast maður einskis virði í sjúku samfélagi misskiptingar þá get ég ekki annað en furðað mig á því að einhver vilji eða nenni að grípa enn eina ferðina til and-kommúnisma sem aðferðafræði. Glæpir Stalíns koma mér, samstarfskonum mínum, rútubílstjórum, hafnarverkamönnum, fátæku gömlu fólki, eða sniðuga stráknum (and-kapítalistanum í þættinum hjá Gísla Marteini) sem býr til vodka úr því sem sturlun auðvaldskerfisins lætur henda í ruslið, nákvæmlega ekkert við.“

 

Hún sem sagt ræðst á Gunna (en ekki Sveppa, sem hún sagði dóna) af því að hann sagði hið rétta og sanna um kommúnisma. Hún sem sagt er að verja kommúnisma. Ekki sósíalisma; kommúnisma!  Hún er greinilega algerlega eiturhörð í þessu, að binda trúss sitt, hugmyndafræðilega, við kommúnisma.

Veltið aðeins þessu fyrir ykkur: Skiptið út "kommúnisma" fyrir "nasisma". Skiptið út "Stalín" fyrir "Hitler". Hvernig hljómar það? Jú, alveg eins og hún sé að fara að ráðast inn í Pólland á morgun. En ef það er kommúnismi, þá einhvern veginn dettur engum í hug að hugsa til 100 milljónir manna sem voru drepin af kommúnisma. Beint.

Ef einstaklingur er sæmilega gáfaður, veit hvað sósíalismi/kommúnismi er (nei, ekki Norðurlöndin), hefur hugsað það til enda og veit sögu þessara tveggja tortýmingastefna í mannkynssögunni, þá er hjarta viðkomandi svart. Það er ekki flókið.

Það er því ekkert svo langsótt að velta fyrir sér hver hennar Beria verður. Viðar?

1 user likes this

Share this post


Link to post
Share on other sites

Skil ekki þennan taumlausa ofsa Fleebah á þessum þræði. Það þarf einbeittan brotavilja til að reyna að klína illvirkjum Bolsévikanna upp á vangaveltur Sólveigar Önnu. Hvaða keilur er verið að reyna að fella með því?

Delluverk og þvaður Bandarískra og Breskra hægrimanna gegn Sovétinu og kommúnisma er vel þekkt gegnum söguna. Mest var það áróðurshjal sem gekk svo langt að t.d. í Vietnam stríðinu var grínast með "better dead than red". Partur af heimsvaldastefnu rétt eins og báðar heimstyrjaldirnar voru í reynd.  Eftir nærfellda öld af svo góðu sjá sumir fullkomið samhengi milli fjöldamorða og kommúnisma.

Er Sólveig Anna að boða afnám lýðræðis, heftingu tjáningarfrelsis, eindreginn ríkisbúskap á öllum sviðum og fl. í þeim dúr? Innrás í Færeyjar? Auðvitað ekki. Það sem hún er að gera er að skilja sig frá hægri-marineraðri sósíal demókrasíu miðflokkanna sem hafa ekki lengur neina sýn á samfélagið aðra en að gefa kapítalistunum lausan taum og fá í staðinn útrás fyrir hugarefni menntastétta og hagsmuni þeirra. Hagsmunir verkafólks koma þeim ekki við lengur, ekki fremur en pjúra hægrinu.

Sólveig er augljóslega að planta sér "vinstra" megin við þetta allt saman og með verkafólki - hópur sem hún tilheyrir sjálf. Hvert á hún svo að sækja orðfærið eða hugmyndirnar ef ekki til verkalýðshugsjónar fyrri tíðar og eða kommúnistanna? Það er það sem hún er að gera, ekki að lýsa yfir stuðningi við blóðsúthellingar eða verstu kafla úr sögu Bolsévismans.

Það er sérstaklega skemmtilegt að fylgjast með þessum skotgrafahernaði þegar litið er til þess hver staða Sólveigar og Eflingar er gegn íslenskum fyrirtækjum og atvinnurekendum sem eru með sterk ítök í flestum fjölmiðlum og djúpa vasa til að kosta endalaust fræðimannaraus um að ísland hafi ekki efni á að borga þeim lægst launuðu hærra kaup. Allt fari á hliðina annars. Á sama tíma fjúka upp laun greifanna og arðurgreiðslurnar.

Þar fyrir utan er nánast búið að merja alla samheldni og hugsjón úr íslensku verkafólki, rétt eins og víðar. Þetta er ójafn leikur. Fleebah er samt skelfingu lostinn fyrir hönd trúbræðra sinna á hægri kantinum og eys hriplekt fleyið eins og enginn sé morgundagurinn. Kommarnir koma!!

Hlægilegt!

 

Share this post


Link to post
Share on other sites

Þegar illvirki kommúnista eru dregin upp koma þeir er enn eru svag fyrir sósíalismanum með "hvað með kapítalismann" afsökunarhaminn. Krúttvæðing kommúnismans er ekkert nýtt fyrirbrigði og meðfylgnin. Nei, Sólveig Anna hefur ekki farið af stað með Gúlagið í fararbroddi ennþá (og mun líklega ekki gera það) enda er Efling ekki til þess bært. En í gegnum söguna hafa alls kyns byltingar og valdatökur sósíalista byrjað á fallegu brosi, björtum augum og fallegum loforðum sem svo fóru í skítinn og alræði með valdbeitingu og harðræði á 0,1 sek. Þau komust ekki til valda með loforðum um helvíti á jörðu. Nei, þau lofuðu öllu fögru, en snéru sér svo við og skópu helvíti á jörðu með morðum, pyntingum, skipulögðum hugnursneyðum, pyntingum, fangelsun etc etc, þvert á það himnaríki sem þau höfðu lofað. Öll 20. öldin er full af svona dæmum og við erum enn að horfa á ný dæmi. Já, meðal Venesúela búi léttist um 9 kg. 2016 og það var ekki heilsuátak heldur sultur sem kom því til leiðar.

@MR-V, ég er búinn að lesa skrif hennar og félaga (já, þau kalla hvort annað félaga (commerade)) í nokkur ár núna. Kíki á þau reglulega á Rauðum Vettvangi og annars staðar. Þau hljóma eins og snýtt út úr vinstri nös Leníns, MR-V. Þetta eru kommúnistar. Myndir þú kalla þetta "ofsa" og "hlægilegt" ef að þau væru fokking nasistar með hakakrossa á prófíl myndum sínum á Facebook, lesandi Mein Kampf? Myndir þú hlægja af því ef einhver kæmi fram og segði "Hei, þetta eru nasistar í Eflingu, hvað í andskotanum er í gangi hér?". En af einhverjum ástæðum, sem ég hreinlega skil ekki, þá er gáfað, vel lesið og el meinandi fólk ennþá að krúttvæða kommúnisma og kommúnista. Really? Really?  Segðu þessum tugum milljóna fórnarlamba kommúnisma síðustu aldar að þetta sé nú bara allt í lagi, bara misskilningur. Nei, sorrí, það er ekki hægt, þau eru dauð, drepin af kommúnistum.

Svo er annað, ég hef t.d. bent á að þessi Viðar hafi bara allt í einu poppað upp í Eflingu, kortér eftir kosningu, sem nýr framkvæmdastjóri Eflingar. Ég vissi ekki hvort að staðan hefði verið auglýst eða hvað þannig að ég var ekkert að draga of stórar ályktanir. En nú er að koma í ljós, í fréttum Moggans, að Sólveig fékk kommúnistavin sinn Viðar inn sem framkvæmdastjóra, án auglýsinga, án þess að tala við einn né neinn. Fékk sinn rauðliða Kamarade til að koma á byltingunni í Eflingu án auglýsinga (spilling myndu sumir kalla þetta). En svo gerist það að starfsfólki til áratuga finnst eitthvað skrítið við starfsemina en þá er því hent í útlegð, í veikindaleyfi. Og þessi valdboðs stjórnunartaktík kom til sögunnar.... hvað? 3 mánuðum eftir kosningar?

Varist eftirlíkingar. Vinsamlegast ekki gera meðvirkir jánkarar kommúnista.

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0

  • Recently Browsing   0 members

    No registered users viewing this page.