Herkúles

Hin hljóða bylting

129 posts in this topic

...( að nokkru endurtekið efni) nú virðist verkalýðshreyfingunni vera að kenna að krónan veikist, með tilheyrandi verðhækkunum, verðbólgu  og skerðingu kaupmáttar

því hinir vísu bankamenn segja að ,,óvarlegt tal" í fjölmiðlum veiki krónuna stöðugt

Mættum við þá biðja um stöðugri gjaldmiðil sem þolir til dæmis þjóðfélagsumræðu?

Þannig hafa verið gerðar tilraunir til að þagga niður í td. hinni ágætu Sólveigu Önnu vegna þess að hún veikir gjaldmiðlinn svo mikið

Fyrrnefnd SA er eins og sjá má í sérstöku uppáhaldi hjá hægri mönnum þessa dagana,tilvitnanir í ræður hennar og ummæli eru legio

Það er gott að elitan hlustar og fer vonandi að átta sig á alvöru málsins, hvað úr hverju,  og semja þá  af viti við ,,þá sem minna mega sín"

Share this post


Link to post
Share on other sites
9 hours ago, Herkúles said:

Þannig hafa verið gerðar tilraunir til að þagga niður í td. hinni ágætu Sólveigu Önnu vegna þess að hún veikir gjaldmiðlinn svo mikið

Einhver sagði mér að "ágætt" væri efsta stig lýsingarorðsins um gæði. Hún er svo langt frá því að vera "ágæt", Herkúles. Hún er stórhættuleg. Ekki bara það að hún sé kommúnisti heldur líka það að hún er arfaslæmur formaður Eflingar. Hún er ekki í jafnvægi, það sést á því hversu harkalega og fólksulega hún ræðst á þá sem gagnrýna hana, eða bara jafnvel hugmyndafræði dauða og djöfuls.

Quote

Hún gagnrýnir þó Gunnar Helgason öllu meira. „Allavega, allt gekk kurteislega, vel og spjallþáttalega fyrir sig þangað til Gunni ákvað að næla sér í sviðsljós með því að segja söguna af því þegar hann bjó í Júgóslavíu og kvaldist undir kerfinu þar og ákvað einnig að sýna okkur að hann hefði sannarlega mótast sem krati á síðustu metrum síðustu aldar, þegar sagan endaði og þriðja leiðin fann það út að best væri að skauta á ó-antagónískan máta yfir og framhjá sannleikanum um stéttir og stéttaátök, sannleikanum um eðli samfélagsins, með því að taka upp orðræðu hægrisins, til að eiga möguleikann á að ná völdum í samfélaginu í samvinnu við auðstéttina, þegar hann sagði að kommúnismi væri það sama og fasismi og nasismi og afgreiddi þannig -allar hefðir kynslóðanna sem hvíla sem martraðir á heilum þeirra hinna lifandi- á hlaupum/skautum,“ segir Sólveig.

Sólveig sagði á föstudaginn að þessi afstaða Gunna væri barnaleg og í stöðufærslunni skýrir hún þau orð nánar. „Ég sagði að afstaða Gunna gagnvart kommúnisma væri barnaleg og Gísli Marteinn kallaði hann krata, en íslenskir kratar eru einmitt dálítið þekktir fyrir að vara við hinu og þessu og líta fram hjá því að þeir vara alls ekki nógu mikið við sjálfum sér og sögulegri tilhneigingu til mikillar samvinnu við heimsvaldastefnu og auðvald, svo dæmi séu nefnd. Það er ekki kurteist að gera lítið úr skoðunum fólks með því að kalla þær barnalegar þannig að ég hef fundið fyrir sterkri þörf síðan á föstudagskvöldið til að útskýra aðeins betur hvað ég átti við. Fyrst reyndi ég að láta sem ég heyrði ekki í suðinu inní mér, en verð svo auðvitað, eins og öll sem eiga svo suðandi heila vita, að láta undan og rölta örstutt niður að hinum sögulega drullupolli sem and-kommúnisminn er og standa aðeins við hann og reyna í stuttu máli að leiðsegja fólki burt frá honum,“ segir Sólveig.

Nei, afstaða Gunna var kórrétt. En af því að Sólveig er authoritarian kommúnisti þá getur hún ekki setið á sér.

En það versta er með að hafa konu eins og Sólveigu í Eflingu, kæri @Herkúles, er að það skín í gegn að hún er meira upptekin í að hatast við kapítalisma og kynda bál stéttastríðs heldur en að vinna fyrir launþega. Hún er að víkja af því hlutverki sem hún var kosin til að sinna og er kominn á kaf í að sparka í borgarastéttirnar, eins og hún kallar þau, að hætti Leníns, Trodský og Stalíns og allra hinna morðóðu kommúnista 20. aldarinnar. 

Nei, það er sko akkúrat ekkert "ágætt" við þessa konu. Vittu til. Btw, ég var trúnaðarmaður í nokkur ár og svo formaður starfsmananfélags í tvö. Maður tekur eftir því þegar hún hættir að tala um baráttuna fyrir réttindum skjólstæðinga Eflingar og fer að fókusa á sósíaliskan áróður, pólitíska orðræðu gegn "auðvaldinu" eða "borgarastéttunum" og haga sér bara eins og illa basic kommi sem ekkert lærði af hörmungum síðustu aldar.

Ef þetta er ekki að skiljast, @Herkúles, þá kannski gætir þú velt fyrir þér hvernig þér liði ef einhverjir ultra frjálshyggumenn kæmust að völdum og færu að einkavæða bankana, leggja niður mest eftirlit með bönkunum, hvettu til útrásar, losuðu um regluverk með bönkunum etc. Ég er nokkuð viss um að þú og fleiri myndu hafa áhyggjur af öðru hruni, ekki satt? Af hverju þá er enginn krati (nema Gunni) að benda á það sem auglsjóst er: Kommúnistar eru ekki eitthvað sem á að klappa upp á svið aftur!!!! Þetta er morðóð og tortímandi hugmyndafræði.

Share this post


Link to post
Share on other sites

Margt satt og rétt hjá fleebah en má samt jafnframt ekki gleymast að það er svo sem ekkert að stefnunni sjálfri , heldur hefur hún bara aldrei verið rétt útfærð.

1 person likes this

Share this post


Link to post
Share on other sites

..spurning hvort þessi aur yfir Sóveigu Örnu er ekki farinn að nálgast ,,neteinelti"

Rétt að minna á að þessi manneskja er ekki í forsvari fyrir stærsta stjórnmálaflokk landsins,

hún situr ekki í ríkisstjórn og þaðan af síður er hún einræðisherra!

Hún er einfaldlega hluti af nýrri kynslóð forystumanna verkalýðshreyfingarinnar, sem fyrir langa-löngu var kominn tími til að endurnýjaðist,

og hluti af þeirri viðspyrnu gegn órétti sem fyrir langa-löngu var kominn til til að berjast á móti,

tal þeirra þessa dagana (og ekki síður forystu atvinnurekanda) snýst um komandi samninga, ,,samningaviðræður" eru í rauninni hafnar og þá

þarf að spila rétt út...Hlustið á okkur, segja þau í dag, annars förum við skæruverkföll!

Share this post


Link to post
Share on other sites
2 hours ago, Herkúles said:

..spurning hvort þessi aur yfir Sóveigu Örnu er ekki farinn að nálgast ,,neteinelti"

Ef hún væri yfirlýstur nasisti a la Hitler, eða nýfasisti a la Mussolini, myndir þú stoppa hér?

En ég er annars hættur í bili með þetta. 

Share this post


Link to post
Share on other sites

Ég tók nú sjálfur af þeim ómakið í mínum fyrsta pósti hér á málefnunum og sagðist vera hægri öfgamaður.  Ég er þá væntanlega nýfasisti líka.

1 person likes this

Share this post


Link to post
Share on other sites

...okkar er að gagnrýna opinberar persónur, jú jú, og Mussolini var fasisti og langt síðan hann var nýr:)

SA er hins vegar varla það stórveldi sem ætla má af skrifum á þessum slóðum, viss ferskur blær inn í staðnaða baráttu, og jú vissulega með sögulegar tilvísanir...

Share this post


Link to post
Share on other sites

Jæja, Ragnar að klúðra. Hótaði að gerast skuggastjórnandi og fékk alla upp á móti sér. SA, Samtök iðnaðarins og jafnvel FME. Já, FME. Ragnar Þór fór mikinn hér um árið í að gagnrýna bankana harkalega. Nú er hann kominn hinum meginn við borðið og þá fær hann að finna á eigin skinni að það er bara hreinlega ekki hvað sem er leyfilegt jafnvel þó viðkomandi telji það réttlætanlegt af því "tilgangurinn er svo góður.

Quote

Eiga að huga að hags­mun­um allra sjóðsfé­laga (FME)
Fjár­mála­eft­ir­litið minn­ir á þær kröf­ur sem gerðar eru sam­kvæmt lög­um til starf­semi líf­eyr­is­sjóða í frétt á vefsíðu sinni. Frétt­in kem­ur í fram­haldi af því að Ragn­ar Þór Ing­ólfs­son, formaður VR, velti upp þeim mögu­leika í Kveik á Rúv að beita áhrif­um verka­lýðshreyf­ing­ar­inn­ar inn­an líf­eyr­is­sjóða til að knýja á um kjara­samn­inga.

„Líf­eyr­is­sjóðir veita viðtöku iðgjaldi til greiðslu líf­eyr­is vegna elli, ör­orku eða and­láts og lýt­ur starf­semi þeirra að mót­töku, varðveislu og ávöxt­un iðgjalda og greiðslu líf­eyr­is,“ kem­ur fram á vef Fjár­mála­eft­ir­lits­ins.

Þar seg­ir enn frem­ur að líf­eyr­is­sjóðum sé óheim­ilt að stunda aðra starf­semi en þá sem nauðsyn­leg er til að ná fram­an­greind­um til­gangi. Stjórn líf­eyr­is­sjóðs set­ur hon­um fjár­fest­inga­stefnu og við þá vinnu ber að hafa hags­muni allra sjóðsfé­laga að leiðarljósi.

Fjár­mála­eft­ir­litið bend­ir á að það hafi, sam­kvæmt lög­um, eft­ir­lit með því hvort hvort starf­semi líf­eyr­is­sjóðs sé að ein­hverju leyti óeðli­leg, óheil­brigð eða ótraust. Sam­kvæmt lög­um um hluta­fé­lög seg­ir meðal ann­ars: 

„Fé­lags­stjórn, fram­kvæmda­stjóri og aðrir þeir er hafa heim­ild til að koma fram fyr­ir hönd fé­lags­ins mega ekki gera nein­ar þær ráðstaf­an­ir sem eru falln­ar til þess að afla ákveðnum hlut­höf­um eða öðrum ótil­hlýðilegra hags­muna á kostnað annarra hlut­hafa eða fé­lags­ins.“

Fjár­mála­eft­ir­litið tel­ur að stjórn­ar­mönn­um líf­eyr­is­sjóða sé óheim­ilt að beita sér fyr­ir því að líf­eyr­is­sjóðir séu nýtt­ir í öðrum til­gangi en þeim sem að fram­an var lýst.

Þannig að Ragnar Þór var sem sé, fyrir þá sem ekki þekkja þetta, að hóta því að beita sér ólöglega. Vel gert Ragnar. Vel gert.

Og meira af þessu "monkey wrench" kasti Ragnars.

 

Quote

Hugmyndir formanns VR um lífeyrissjóðina leggjast illa í SA
Framkvæmdastjóri Samtaka atvinnulífsins segir það ekki liðka fyrir samningum að forysta verkalýðshrefingarinnar hóti að beina því til lífeyrissjóða að frysta fjárfestingar á meðan samningar séu lausir. Hins vegar sé hann bjartsýnn á að samningar takist tímalega en meira máli skipti nú en oft áður að klára samninga tímalega.

Stíf fundarhöld eru þessa dagana milli Samtaka atvinnulífsins, Starfsgreinasambandsins og VR og á föstudag hefjast viðræður við iðnaðarmenn. Halldór Benjamín Þorbergsson framkvæmdastjóri Samtaka atvinnulífsins segir helstu liði í samningsáætlun SA og kröfugerðum verkalýðsfélaganna hafa verið rædda.

Heiðurskonan Guðrún Hafsteins er heldur ekkert sérlega hress með Ragnar. 

Quote

Segir lífeyrissjóðina ekki mega stjórnast af þvingunum
„Ég held að Ragnar Þór verði að útskýra örlítið betur hvað hann meinar með þessum orðum,“ segir Guðrún Hafsteinsdóttir, formaður stjórnar Landssamtaka Lífeyrissjóða.

Ragnar Þór Ingólfsson, formaður stéttarfélagsins VR, gaf til kynna í fréttaskýringaþættinum Kveik í gær að verkalýðshreyfingin gæti beitt fyrir sig áhrifum í lífeyrissjóðskerfinu til að knýja á um kröfum sínar í kjarasamningsviðræðum.

Þannig gæti hún látið fulltrúa sem hún tilnefnir í stjórnir lífeyrissjóða „skrúfa fyrir“ fjárfestingar sjóðanna á meðan óvissa ríkti eða samningar væru lausir.

Guðrún, sem einnig er stjórnarformaður Lífeyrissjóðs verslunarmanna, segir þá sem tilnefna fólk í stjórnir lífeyrissjóða ekki hafa boðvald yfir þeim. Stjórnarmenn hafi það hlutverk að gæta einungis hagsmuna sjóðsfélaga.

Starfsemi sjóðanna sé bundin í lög og lífeyrissjóðir starfi samkvæmt lögum. „Og við sem störfum í kerfinu, okkur ber skylda til að setja hagsmuni sjóðsfélaga ofar öðru,“ segir Guðrún.

Enn og aftur, Ragnar. Vel gert.

Share this post


Link to post
Share on other sites

Til lukku, Efling.

Quote

Starfsmenn Eflingar segjast hafa upplifað algert niðurbrot

Tvær starfskonur Eflingar sem eru í veikindaleyfi telja sig ekki eiga afturkvæmt til starfa, segja forystu félagsins beita skoðanakúgun og óttast að erfitt verði að fá nýja vinnu þar sem styttist í að þær fari á eftirlaun. Þær vilja að samið verði við þær um starfslok og útiloka ekki að leita réttar síns fyrir dómstólum.

Starfsandi á skrifstofu Eflingar var áberandi í umræðunni fyrr í haust þegar fjallað var um meint átök á skrifstofu félagsins. Skrifstofustjóra var sagt upp og þá hafa nokkrir starfsmenn farið í veikindaleyfi, þeirra á meðal Kristjana Valgeirsdóttir fjármálastjóri og Elín Kjartansdóttir bókari. Báðar segjast þær hafa hröklast í veikindaleyfi vegna framkomu nýrrar forystu Eflingar í sinn garð.

Geta ekki leitað til stéttarfélags
„Það voru fundnar ásakanir á okkar hendur, hjá Kristjönu var það trúnaðarbrot í upphafi, hjá mér var það líka, það var enginn fótur fyrir því. Síðan hefur þetta bara haldið áfram að rúlla,“ segir Elín. Þær sendu erindi til stjórna Eflingar, Starfsgreinasambandsins og ASÍ í haust og óskuðu eftir úrlausn mála sinna en við því hefur ekki verið brugðist að þeirra sögn. Lögfræðingur hefur verið þeim innan handar þar sem eðli málsins samkvæmt geti þær ekki leitað til stéttarfélags.

„Það er í það minnsta mjög athyglisvert þegar að stéttarfélag eins og Efling hefur það hlutverk að verja launamenn, að þegar það kemur að þeirra eigin starfsmönnum þá er enginn til að verja þá,“ segir Kristjana. „Ég held að miðað við það sem á undan er gengið að þá sé okkur ekkert vært að vera þarna í starfi. Ég held að það sé augljóst af þeirri framkomu sem við höfum upplifað,“ bætir hún við.

Þær hafi verið teknar út af póstlista starfsmanna og lista yfir starfsfólk á heimasíðu svo fátt eitt sé nefnt auk þess sem færslu Elínar, þar sem hún rekur málið, hefur í tvígang verið eytt út af opinni Facebook-síðu félagsmanna. „Ég gerði aðra tilraun tveimur dögum seinna, það fékk að vera inni í 15 mínútur þá var því hent út og lokuð á mig Facebook-síðan þannig að ég get ekkert tjáð mig þar frekar inni,“ segir Elín.

50 ára samanlagður starfsaldur
„Við erum náttúrlega í veikindaleyfi eins og stendur en ef ekkert gerist í málinu þá hlýtur það að fara sömu leið og önnur ágreiningsmál milli starfsmanna og vinnuveitanda, að fara þá bara fyrir dóm,“ segir Kristjana og Elín tekur í sama streng. Þær voni þó að brugðist verði við erindum þeirra og málin leyst með öðrum hætti. „Við höfum upplifað algjört niðurbrot,“ segir Kristjana en aðspurðar segja þær ekki koma til greina að segja upp störfum enda þær séu meðvitaðar um réttindi sín sem launþegar á vinnumarkaði.

„Ég tel það augljóst að við eigum hvorugar afturkvæmt til starfa þannig að miðað við það þá tel ég eðlilegt að það sé gengið frá formlegum starfslokum við okkur,“ segir Kristjana og Elín bætir við að það geti reynst erfitt fyrir konur á þeirra aldri að fá aðra vinnu enda séu þær báðar komnar yfir sextugt.

Segir mikinn óróa á vinnustað
Kristjana hefur starfað hjá Eflingu og öðrum stéttarfélögum sem á undan voru í 36 ár og Elín í 15 ár svo samanlagður starfsaldur þeirra nemur um 50 árum. Þær segja skrifstofu Eflingar hafa verið góðan vinnustað þangað til fljótlega eftir að forysta tók við á árinu með Sólveigu Önnu Jónsdóttur formann og Viðar Þorsteinsson, nýjan framkvæmdastjóra í fararbroddi.

„Það er ekkert óeðlilegt við það að í svona lýðræðislegu félagi að það komi nýir stjórnendur og oft með nýjum stjórnendum þá koma nýir siðir, það er heldur ekkert óeðlilegt við það en það er ekkert sama hvernig þú gerir hlutina og ekki sama heldur hvernig þú kemur fram við fólk alveg sama hvaða skoðanir þú hefur. Mitt mat er það að það eigi alltaf að koma fram við fólk af virðingu og sanngirni,“ segir Kristjana. Þær hafi aftur á móti upplifað hið gagnstæða.

„Það eru fleiri fyrirtæki í húsinu heldur en Efling og það er rosalegur órói á þessum vinnustað. Menn geta svo spurt sig af hverju,“ segir Kristjana.

 

Share this post


Link to post
Share on other sites

hlustaðu á Kveik fleebah og hættu með tittlingaskít og eina hlið málanna

Share this post


Link to post
Share on other sites
Quote

Ragnar svarar Fjármálaeftirlitinu fullum hálsi
Ragnar Þór Ingólfsson, formaður VR, fer hörðum orðum um Fjármálaeftirlitið í færslu á Facebook nú í kvöld. „Ekki heyrðist mikið í FME þegar sjóðirnir okkar voru notaðir sem opin veski útrásarinnar!“ segir hann meðal annars í hugleiðingu sem fær yfirskriftina „Hagsmunir sjóðfélaga og FME“. Þannig svarar Ragnar tilkynningu sem birt var á vef eftirlitsins í dag og öðrum viðbrögðum við ummælum Ragnars í Kveik í gær, sem komið hafa ýmsum í opna skjöldu.

Eh, Ragnar, eh.... Getur verið að FME hafi lært af reynslunni? Það gilda lög og reglur um rekstur lífeyrissjóða (eftirlitsskyld starfssemi) og Ragnar var að hóta lögbroti. Hann er böstaður og hann bara gefur í. Ég verð að segja að hingað til hef ég verið pínu beggja blands með Ragnar. Fíla sumt en svo segir hann eitthvað kortéri seinna sem er bara út úr kú. En nú tók steininn pínu úr. Ég vona að Ragnar bakki með þetta og slaki aðeins á. Lífeyrissjóðirnir eru ekki til að misnota til að sósíalistar geti hnykkt vöðvana í einhveru uppkokkuðu réttlætiskasti.

17 minutes ago, Herkúles said:

hlustaðu á Kveik fleebah og hættu með tittlingaskít og eina hlið málanna

Náði ekki að klára viðtalið, þurfti að elda mat og svo út á fund, en það sem ég heyrði af þessu var ekkert að skora stig hjá mér. Ragnar er um margt mætur maður, fastur fyrir og með grunngildi (sem komu sterk inn í Icesave deilunni), en það er eins og hann sé kominn með eitthvað mikilmennskubrjálæði, það er að slá út fyrir hjá honum.

Btw, svo það sé á hreinu, ég set hann ekki í sama sauðahús og Sólveig er í. Hann er ekki kommúnisti eða and-kapítalisti. En ..... það er eitthvað í gangi hjá honum blessuðum sem mér list ekki á.

Það er eins og hann sé villtur.

Share this post


Link to post
Share on other sites

ruv.is

Ragnar Þór Ingólfsson, formaður VR, fer hörðum orðum um Fjármálaeftirlitið í færslu á Facebook nú í kvöld. „Ekki heyrðist mikið í FME þegar sjóðirnir okkar voru notaðir sem opin veski útrásarinnar!“ segir hann meðal annars í hugleiðingu sem fær yfirskriftina „Hagsmunir sjóðfélaga og FME“. Þannig svarar Ragnar tilkynningu sem birt var á vef eftirlitsins í dag og öðrum viðbrögðum við ummælum Ragnars í Kveik í gær, sem komið hafa ýmsum í opna skjöldu.

Ragnar Þór benti á það í fréttaskýringaþættinum Kveik í gær að verkalýðshreyfingin ætti aðild að lífeyrissjóðakerfinu og gæti beitt því fyrir sig í kjarabaráttu. „Af hverju getum við ekki sett fjármálakerfið í verkfall? Af hverju getum við ekki beitt áhrifum okkar inni í lífeyrissjóðakerfinu  beinum þá tilmælum til okkar stjórnarmanna að skrúfa fyrir allar fjárfestingar á meðan óvissa eða samningar eru lausir?“ spurði Ragnar. Ummælin hafa valdið nokkru fjaðrafoki í dag.

Stjórnarmenn lífeyrissjóða mega ekki láta neitt annað en hagsmuni sjóðfélaga ráða för, sagði framkvæmdastjóri Landssamtaka lífeyrissjóða í fréttum RÚV í kvöld. Það kæmi til kasta Fjármálaeftirlitsins ef það yrði reynt að beita þeim sem vopni í kjarabaráttu. Í færslu sinni í kvöld segir Ragnar að ekkert banni lífeyrissjóðunum að stöðva fjárfestingar og spyr sig hverjir raunverulegir hagsmunir sjóðsfélaga séu. Lesa má færsluna í heild sinni hér fyrir neðan.

Share this post


Link to post
Share on other sites

Maður er bara orðinn þreyttur eftir þennan lestur.

Þetta er svona í mínum huga: Verkalýðsforystan er komin aftur að uppruna sínum. Var reyndar aldrei stalínísk, en mjög vinstrisinnuð allan fyrri part tilveru sinnar. Nýja fólkið boðar einfaldan boðskap: Gömlu góðu verkalýðsbaráttuna. Sem færði Íslendingum vísi að því velferðarþjóðfélagi sem við höfum í dag. Lögbundna 40 stunda vinnuviku, orlof, atvinnuleysisbætur o.sv.frv. 

Alltaf í gegnum öll árin, hafa hægrimenn í gegnum Sjálfstæðisflokkinn spáð samfélagslegum hamförum og stalínisma, ef verkalýðshreyfingin fengi sínu fram. Þetta var viðkvæðið hjá þeim þegar barist var fyrir lengingu orlofs úr viku í 12 daga. Íslenskir atvinnuvegir myndu aldrei þola slíkt, var viðkvæðið. Núna er 5-6 vikna orlof og atvinnurekendur hafa aldrei haft það betra. Sama með almannatryggingar og velferðarkerfið, sem verkalýðshreyfingin barðist fyrir. Með hörku, Gvendur Jaki standandi í Ártúnsbrekku hellandi niður mjólk o.fl. 

Allt sem frá atvinnulífinu kemur er vitleysa. Það fer ekkert alltsaman í höngla þó lágmarkslaun verði þannig að hægt sé að lifa af þeim. Jafnvel að verkafólk geti lagt smá pening fyrir. Það fer ekkert allt í hass, þó húsnæðismarkaðurinn verði tekinn í gegn og þessum blóðsugum sem sjúga út milljarða úr honum núna verði útrýmt og leiga verði gerð viðráðanleg. 

Athugið, að við erum ekki með gjaldmiðil á Íslandi. Við erum með matadorkrónu sem þarf að vernda í gegnum verðtryggingu. Hver segir að það sé eitthvað lögmál að við þurfum að lifa við það? Ekki gera Færeyingar eða Grænlendingar það. Þeir eru með stöðugan gjaldmiðil. 

Ef það er orðinn einhver kommúnismi að benda á og berjast gegn því að örfáar fjölskyldur mjólki þetta land, þá eru sennilega 90% Íslendinga orðnir að kommúnistum. Um það snýst málið. Gömlu forystur ASÍ höfðu fyrir löngu lagt alla verkalýðsbaráttu á hilluna. Þeir sömdu um kaup og kjör, í gegnum ónýtan gjaldmiðil var þeim hækkunum alltaf rænt jafnóðum. Við höfum alltaf búið við verri kjör en hinar Norðurlandaþjóðirnar. Samt ekkert fátækari land en þau. 

Loksins kemur forysta ASÍ sem þorir. Sem er tilbúin í baráttu fyrir betri kjörum og í baráttu við olígarkið á Íslandi... 

Share this post


Link to post
Share on other sites

Var að hlusta aftur á Kveik. Ótti minn við þetta fólk er staðfestur (nema Drífu). Ekki sem einhver fulltrúi borgarastéttanna heldur sem almennur borgari. Eina manneskjan sem þarna var með heilli brú var Drífa. Ragnar er farinn að fara yfir línunna um hvað er sæmandi af manni í hans stöðu að segja (hóta með ólöglegum aðgerðum) og svo talar hún Sólveig í þessum þætti í eintómum innantómum marxískum frösum frá byrjun síðustu aldar. Hún er mjög viljug í harða baráttu og verkföll. Veit hún ekki að það mun skaða launafólk töluvert ef verkföll dragast á langinn?

Það samt truflar aðeins hvað þetta er klippt fram og til baka, samhengið dettur doldið út.

Fyndið samt að sjá þau tala um aukna skattbirgði lægst launuðu. Eh, þegar laun HÆKKA þá hækkar hlutfallið sem fer í skatta líka. Lægstu launin hafa hækkað töluvert (útborguð). En þau geta ekki sagt það í leiðinni. Það væri slæmt fyrir málstaðinn. :) 

Share this post


Link to post
Share on other sites

Jæja, það eru núna eiginlega allir leiðandi fagaðilar í lífeyrissjóðum (sem og FME) búnir að segja orð Ragnars furðuleg og undarleg og eru þau þá búin að gæta orða sinna töluvert. 

Quote

Ummæli Ragnars komu Þóreyju í opna skjöldu
Stjórnarmenn lífeyrissjóða mega ekki láta neitt annað en hagsmuni sjóðfélaga ráða för, segir framkvæmdastjóri Landssamtaka lífeyrissjóða, og það kæmi til kasta Fjármálaeftirlitsins ef það yrði reynt að beita þeim sem vopni í kjarabaráttu. Ummæli formanns VR í þá veru komu henni í opna skjöldu.

Ragnar Þór Ingólfsson, formaður VR, benti á það í fréttaskýringaþættinum Kveik í gær að verkalýðshreyfingin ætti aðild að lífeyrissjóðakerfinu og gæti beitt því fyrir sig í kjarabaráttu.

„Af hverju getum við ekki sett fjármálakerfið í verkfall? Af hverju getum við ekki beitt áhrifum okkar inni í lífeyrissjóðakerfinu  beinum þá tilmælum til okkar stjórnarmanna að skrúfa fyrir allar fjárfestingar á meðan óvissa eða samningar eru lausir?“ spurði Ragnar.

Þessi ummæli hafa farið vægast sagt öfugt ofan í marga. „Ég veit ekki hvað á að segja – þau koma manni mjög í opna skjöldu,“ segir Þórey S. Þórðardóttir, framkvæmdastjóri Landssamtaka lífeyrissjóða.

„Ef það eru einhver önnur sjónarmið hjá stjórnarmönnum en að ávaxta og hugsa um hagsmuni sinna sjóðfélaga þá er farið að reyna á hæfi þeirra og þá mundi Fjármálaeftirlitið væntanlega fara að grípa inn í – hvort stjórnarmenn séu að huga að þeim hagsmunum sem þeim er treyst fyrir,“ segir hún.

Fjármálaeftirlitið sendi frá sér tilkynningu í dag í tilefni af ummælum Ragnars þar sem minnt er á hvaða lög gildi um lífeyrissjóði. Meðal annars sé litið til hlutafélagalaga, þar sem segi að stjórnarmönnum sé óheimilt að gera nokkuð sem rýrt geti hagsmuni hluthafa, eða í þessu tilviki sjóðfélaga. Með hliðsjón af þessu telji eftirlitið að stjórnarmönnum sé óheimilt að beita sér fyrir því að lífeyrissjóðir séu nýttir í öðrum tilgangi en hinum yfirlýsta – að ávaxta fé.

En er þá yfirleitt mögulegt að gera eitthvað í líkingu við það sem Ragnar nefnir?

„Ég ætla að vona ekki – að stjórnarmenn viti fyrir hvað þeir standa og hvert hlutverk þeirra er. Þannig að ég treysti því að svo verði ekki,“ segir Þórey.

Það sé alveg ljóst að stjórnarmenn skuli vera sjálfstæðir og óháðir í störfum sínum. „Algjörlega. Og þeim á að vera það ljóst þegar þeir taka að sér þetta viðamikla og ábyrga hlutverk, að sitja í stjórn lífeyrissjóða. Þeir mega ekki láta einhverja aðra hagsmuni ráða för í sínum ákvarðanatökum.“

 

Share this post


Link to post
Share on other sites
1 hour ago, fleebah said:

Var að hlusta aftur á Kveik. Ótti minn við þetta fólk er staðfestur (nema Drífu). Ekki sem einhver fulltrúi borgarastéttanna heldur sem almennur borgari. Eina manneskjan sem þarna var með heilli brú var Drífa. Ragnar er farinn að fara yfir línunna um hvað er sæmandi af manni í hans stöðu að segja (hóta með ólöglegum aðgerðum) og svo talar hún Sólveig í þessum þætti í eintómum innantómum marxískum frösum frá byrjun síðustu aldar. Hún er mjög viljug í harða baráttu og verkföll. Veit hún ekki að það mun skaða launafólk töluvert ef verkföll dragast á langinn?

Það samt truflar aðeins hvað þetta er klippt fram og til baka, samhengið dettur doldið út.

Fyndið samt að sjá þau tala um aukna skattbirgði lægst launuðu. Eh, þegar laun HÆKKA þá hækkar hlutfallið sem fer í skatta líka. Lægstu launin hafa hækkað töluvert (útborguð). En þau geta ekki sagt það í leiðinni. Það væri slæmt fyrir málstaðinn. :) 

Verkföll skaða atvinnurekendur miklu meira. Enda þeir skíthræddir við þau. Það er kominn tími á almennilega launabaráttu í þessu landi. Þó fyrr hefði verið. Ég vona að það fari hart í hart. Það eina sem atvinnurekendur skilja...

Share this post


Link to post
Share on other sites

...hugtakið skæruverkfall var líklega fundið upp 2018, ekki allsherjar heldur hér og þar afmarkaðir hópar líkt og skæruliðar brjótast inn og lama atvinnulífið,

nóg af peningum til að halda skæruliðum uppi í stuttan tíma,

þetta er þeir ,,skíthræddir við" rétt er það

Share this post


Link to post
Share on other sites

 

fleebah er í klúbbnum:

 

Sól­veig Anna er við­mæl­andi Þórðar Snæs Júl­í­us­son­ar, rit­stjóra Kjarn­ans, í sjón­varps­þætt­inum 21 sem frum­sýndur verður á Hring­braut í kvöld klukkan 21:00. Þar ræðir hún meðal ann­ars ítar­lega um stöðu mála í kjara­deil­um. Hægt er að sjá stiklu úr þætti kvölds­ins hér að neð­an.

 

Sól­veig Anna segir að það hafi að vissu leyti komið á óvart hversu for­hert fólk leyfði sér að vera þegar það tal­aði um kröfur verka­lýðs­hreyf­ing­ar­inn­ar. „Að þær væru kokk­aðar upp af bil­uðu fólk. Leið­ara­höf­undar lýstu því yfir eins og ekk­ert væri að hér væri efna­hags­leg nið­ur­sveifla haf­in. Það var ekki talað um vægan sam­drátt. Alls konar hlutir sem voru sagðir á mjög óábyrgan og ótrú­legan máta. Fyrir mig sem mann­eskju sem hef ekki haft aðgang að risa­stóru plat­formi þá fannst mér ótrú­legt hvað fólk sem hefur aðgang að stóru plat­formi leyfi sér að segja svona, eins og ekk­ert væri, en þurfti svo ekki að draga í land,  biðj­ast afsök­unar eða nokkurn skap­aðan hlut.“

Hún hefur einnig legið undir ámæli fyrir að vera ein­hvers­konar tól í höndum karla sem ætla sér að koma á sós­íal­ískri bylt­ingu á Íslandi. Þar hefur Sól­veig Anna oftar en ekki verið spyrnt saman við Gunnar Smára Egils­son, sem stóð ásamt öðrum að stofnun Sós­í­alista­flokks Íslands.

Sól­veig Anna seg­ist einmitt hafa verið „tögguð“ á sam­fé­lags­miðlum og kölluð van­stillt strengja­brúða. „Það hefur stundum verið óþægi­legt en ég hef lagt mig fram við að svara rösk­lega og hef ekki boðið hinn vang­ann. Ég kann það ekk­ert sér­stak­lega vel. Ég held að það hafi borið ágætis árangur því ég get ekki betur séð en að það hafi slankað í mesta hasarn­um. Ég upp­lifði það alla­vega þannig. Minn lær­dómur af því er þá sá að í stað þess að vera göf­ug­lynd og bjóða hinn vang­ann þá borgar það sig fyrir vinnu­aflið, fyrir tals­menn verka- og launa­fólks að svara bara af fullri hörku.“

Share this post


Link to post
Share on other sites

Sósíalismi án hagfræði og allir hafa það skítt.

Hagfræði án smá sósíalisma og örfáir hafa það skítt.

1 person likes this

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now

  • Recently Browsing   0 members

    No registered users viewing this page.