Herkúles

Hin hljóða bylting

193 posts in this topic

Samningarnir voru samþykktir. Spurning hvað gerist núna. 

Share this post


Link to post
Share on other sites
1 hour ago, falcon1 said:

Samningarnir voru samþykktir. Spurning hvað gerist núna. 

Tryggja það að ríkið standi við sitt. Hingað til hefur það verið ríkið sem hefur fokkað öllu upp hvað svik varðar. Tryggingagjöldin, persónuafslátturinn etc.

Share this post


Link to post
Share on other sites

Jæja, upphaflega himinháa krafan sem VR kom með var undir gildishlöðum frösum á borð við "að lifa af launum sínum".  Nú er að koma í ljós að VR fólk er með góð laun upp til hópa, vel yfir töxtum, og sá hópur sem þau töluðu svo mikið um hjá VR er ákaflega, ákaflega fámennur.

Heildarlaun að meðaltali 652þ og meðal grunnlaun 644þ

https://www.visir.is/g/2019190519287/heildarlaun-ad-medaltali-652-thusund

Niðurstaðan á kjarakönnun VR. Svarendur 10.848  https://www.vr.is/media/6145/laun_starfsheiti_2019.pdf  (pdf)

En til að gæta sanngirnis þá eru laun félagsfólks Eflingar mun lægri að öllu jöfnu.

Share this post


Link to post
Share on other sites

Vel yfir mínum launum þrátt fyrir lengra nám en vel flest þessi vr störf krefjast.  En ég svo heppin að vera í stétt þar sem verkfallsvopnið hefur nánast engin áhrif. 

Share this post


Link to post
Share on other sites

 

 

„Miðstjórn ASÍ harmar viðbrögð þeirra atvinnurekenda sem í kjölfar nýgerðra kjarasamninga hafa gripið til uppsagna á launakjörum starfsmanna sinna að sögn vegna þess kostnaðarauka sem til kemur vegna gildistöku samninganna,“

segir í tilkynningu frá ASÍ. Þar er skorað á atvinnurekendur að draga til baka þær uppsagnir sem gerðar hafa verið og ætlast til þess að samingar séu efndir:

„Miðstjórn leggur áherslu á, að aðilar vinnumarkaðarins semja og gera kjarasamninga í góðri trú um að við undirritun þeirra verði af báðum aðilum unnið að staðfestingu þeirra og í framhaldinu að því að hrinda þeim í framkvæmd skv. efni sínu.

Þeir atvinnurekendur sem gripið hafa til uppsagna á ráðningarkjörum starfsmanna sinna nú í kjölfar undirritunar og samþykkis kjarasamninga ganga gegn markmiðum samninganna og lýsa því beinlínis yfir að þeir hyggist ekki efna þá.

Miðstjórn ASÍ skorar á viðkomandi atvinnurekendur að draga nú þegar til baka allar uppsagnir byggðar á framangreindum forsendum. Jafnframt áskilur ASÍ öllum aðildarsamtökum sínum rétt til þess að lýsa yfir einhliða riftun nýgerðra kjarasamninga við þessa sömu atvinnurekendur vegna þess ásetnings þeirra að ætla sér ekki að virða þá og hrinda í framkvæmd. Jafnframt er samtökunum áskilinn réttur til þess í kjölfarið að hefja aðgerðir til þess að knýja á um gerð nýs kjarasamnings við viðkomandi aðila og beita til þess öllum tiltækum og lögmætum þvingunaraðgerðum til þess að knýja á um gerð þeirra, þar með talið með verkföllum.“eyjan.is

Share this post


Link to post
Share on other sites

Voru það ekki einhver hótel í eigu sama mannsins sem sagði upp launaliðnum? Man ekki eftir fleirum.

Share this post


Link to post
Share on other sites

Sólveig Anna er alveg mögnuð. Kommúnisti af Sovét gerðinni sem, eins og Thanos, heldur virkilega að hún sé réttum megin í málefninu.

Hér er hún að segja Sjálfstæðismenn vera "kyndilbera grimmdar og mannvonsku"

Sólveig, kommúnistar drápu 100 milljónir á síðustu öld. Ekki bara það, pabbi þinn mærði sjálfan Stalín í beinni útsendingu í ótrúlegu mærðarranti um þann ógeðslega fjöldamorðingja. Svo segir þú að Sjallar séu vondir?

 

Share this post


Link to post
Share on other sites

hótar fasistakellingin uppsögn samninga vegna þess að EINN atvinnurekandi sér ástæðu til að hagræða í rekstri, eftir vonda samninga.

Ekki það að atvinnurekandinn sé að brjóta samninga, nei, hann ætlar að borga eftir þeim.

Share this post


Link to post
Share on other sites
15 hours ago, Fórnarlambið said:

hótar fasistakellingin uppsögn samninga vegna þess að EINN atvinnurekandi sér ástæðu til að hagræða í rekstri, eftir vonda samninga.

Ekki það að atvinnurekandinn sé að brjóta samninga, nei, hann ætlar að borga eftir þeim.

Það er augljóst að það er ekki hægt að tala við þetta fólk án þess að huga að því að allt samtal við þau, ef þú ert atvinnurekandi, fer fram í "bad faith" af Eflingar hálfu. Samskiptin fara í gegnum fjölmiðla með dylgjum og gífuryrðum, ásökunum og kjaftæði, lygum og áróðri. Nú hefur Efling haft "afskipti" af allavega tveim fyrirtækjum, nokkur hótel annars vegar og svo starfsmannaleiga hins vegar. Starfsmannaleigan var svo löskuð eftir lygar (staðfestar) Eflingar að þau eru að fara á hausin. Hótelið er vonandi í betri málum með að standa af sér árásir Eflingar.

Hér í den var Efling, í mínum huga, dæmi um sæmilegt stéttarfélag, sinnti sínum málum eins og vera ber og skjólstæðinga sinna. Nú er þetta orðið að skrímsli. Enda með eldrauða og forherta kommúnista í forystu.

Share this post


Link to post
Share on other sites

Hehe, you can't make this shit up. Stjórn Lífeyrissjóðs Verslunarmanna gekk gegn því sem formaður VR vill gera og því verða þau rekin. Talandi um sjálfstæði stjórna lífeyrissjóða og að slíta stjórnir frá gerræðislegum vilja eigenda sinna. 

Quote

Vilja aft­ur­kalla umboð stjórn­ar­manna

Stjórn VR samþykkti í gær að boða fund í full­trúaráði VR hjá Líf­eyr­is­sjóði verzl­un­ar­manna (LV) og leggja þar fram til­lögu um að aft­ur­kalla umboð þeirra sem fé­lagið til­nefn­ir í stjórn líf­eyr­is­sjóðsins og skipa nýja full­trúa í stjórn til bráðabirgða. Ragn­ar Þór Ing­ólfs­son formaður VR staðfest­ir þetta í sam­tali við mbl.is, en Kjarn­inn greindi fyrst frá. VR til­nefn­ir 4 af 8 stjórn­ar­mönn­um í LV.

Ragn­ar Þór seg­ir í sam­tali við blaðamann að ástæðan fyr­ir því að gripið sé til þess­ara aðgerða sé ákvörðunar stjórn­ar sjóðsins, sem tek­in var 24. maí síðastliðinn, um að hækka breyti­lega vexti verðtryggðra sjóðfé­lagalána úr 2,06% upp í 2,26%, en tveim­ur dög­um fyrr hafði Seðlabanki Íslands lækkað stýri vexti um hálft pró­sentu­stig.

„Þegar að við verðum upp­vís að því að sjóður sem við erum svona ná­tengd sjálf er að vinna aug­ljós­lega gegn þeirri veg­ferð sem við erum að fara, þá verður að bregðast við með ein­hverj­um hætti,“ seg­ir Ragn­ar Þór.

Fund­ur full­trúaráðsins verður hald­inn á morg­un, en hann sit­ur 15 manna stjórn VR og tíu meðlim­ir full­trúaráð að auki. Þrett­án af fimmtán stjórn­ar­meðlim­um VR greiddu at­kvæði með því að bera til­lög­una upp og ein­fald­ur meiri­hluti þeirra 25 sem sitja í full­trúaráðinu dug­ir til þess að til­lag­an verði að veru­leika.

Í sam­tali við mbl.is 3. júní sl. sagði Ragn­ar Þór að vaxta­hækk­un­in væri „í raun­inni bara stríðsyf­ir­lýs­ing“ gegn því sem verka­lýðshreyf­ing­in væri að reyna að vinna að og sagði spurn­ingu hvort að sjóður­inn væri kerf­is­bundið að vinna gegn til­raun­um Seðlabank­ans og verka­lýðhreyf­ing­ar­inn­ar til þess að reyna að „lækka kostnaðinn við að lifa.“

Óboðlegt að vaxta­stigi sé stjórnað eft­ir geðþótta

Hann seg­ir nú að þessi ákvörðun hafi ekki bara verið „blaut tuska“ fram­an í stjórn VR held­ur bein­lín­is „niður­lægj­andi fyr­ir verka­lýðshreyf­ing­una“ og að stjórn VR hafi óskað eft­ir rök­stuðningi frá stjórn LV.

„Þetta er ekki boðlegt og við get­um ekki látið það óátalið að bæði stjórn­ir líf­eyr­is­sjóða og fjár­mála­kerfið geti hagað sér eins og þeim sýn­ist, stjórnað vaxta­stig­inu eft­ir geðþótta og verið með meira álag á markaðsvexti en nauðsyn­lega þarf,“ seg­ir formaður VR. mbl.is/Hari

„Það er ekki hægt að lesa neitt annað út úr grein­ar­gerð líf­eyr­is­sjóðsins en að stjórn­ar­mönn­um þyki vext­ir ein­fald­lega vera orðnir of lág­ir, og þá spyr maður sig hvort að markaðsvext­ir stjórni um­hverfi vaxta í bönk­um og líf­eyr­is­sjóðum eða geðþótti stjórn­ar hverju sinni. Við höf­um tekið sam­an gögn um það að álagn­ing banka og fjár­mála­fyr­ir­tækja hef­ur auk­ist mikið, markaðsvext­ir hafa lækkað mun meira en vext­ir hafa lækkað hjá líf­eyr­is­sjóðum og fjár­mála­stofn­un­um,“ seg­ir Ragn­ar og nefn­ir dæmi um að ný­lega hafi for­eldr­ar og for­ráðamenn barna sem eiga lokaða verðtryggða reikn­inga fengið til­kynn­ingu um 0,5 pró­sentu­stiga lækk­un á inn­lánsvöxt­um, „á meðan að út­lánsvext­ir hreyf­ast ekki.“

Nýir stjórn­ar­menn fái skýr skila­boð

Ragn­ar Þór seg­ir að það sé ekki í hendi að umboð nú­ver­andi full­trúa VR í stjórn LV verði aft­ur­kallað, en að hann sé bjart­sýnn á að svo verði.

Þá verða nýir stjórn­ar­menn strax skipaðir sem að „taka mið af veg­ferð verka­lýðshreyf­ing­ar­inn­ar og mark­miðum lífs­kjara­samn­ings­ins og taki mið af sam­fé­lag­inu og sam­fé­lags­legri sátt,“ því það sé hag­ur allra sjóðsfé­laga, hvort sem þeir séu ung­ir eða gaml­ir, að vaxta­stig í land­inu sé lágt.

Ákvörðun stjórn­ar LV um að hækka vexti á að taka gildi 1. ág­úst næst­kom­andi. Spurður hvort þeir stjórn­ar­menn sem VR muni skipa, komi til þess, muni berj­ast fyr­ir því að vaxta­hækk­un­in verði aft­ur­kölluð, seg­ir Ragn­ar að hann geti ekki sagt til um það, en að hann reikni þó með því.

„Skila­boðin okk­ar til þeirra stjórn­ar­manna sem við mun­um skipa komi til þess að þetta verði samþykkt, þau verða al­veg skýr. Mark­mið okk­ar, með skip­an þeirra, með hliðsjón af lífs­kjara­samn­ingn­um, verða al­veg skýr. Skila­boð okk­ar til þeirra stjórn­ar­manna sem við erum að aft­ur­kalla umboðið hjá eru líka al­veg skýr. Skila­boð okk­ar út í sam­fé­lagið eru al­veg skýr, því Líf­eyr­is­sjóður verzl­un­ar­manna er jú einn stærsti hlut­haf­inn í mörg­um af stærstu fyr­ir­tækj­um lands­ins,“ seg­ir Ragn­ar.

Þetta feitletraða: Þessi aðgerð, að vega að þeim stjórnarmönnum VR í LIVE sem þar sitja, er ekkert annað en til að beygja stjórnarfólk til að taka ákvarðanir sem gætu verið GEGN því sem þau telja vera ábyrgt og réttmætt. Ég vill minna á að Jón Ásgeir var skuggastjórnandi Glitnis á sínum tíma. Er Ragnar núna að verða skuggastjórnandi LIVE? Btw, hann á enga fjárhagslega hagsmuna að gæta aðra en sem hlutverk formanns VR.

Mér er skítsama þó að eitthvert fagurfræðilegt orðagjálfur sé sett svona fram til að fegra hlutina, þetta er ekkert annað en powergrab og valdboð VR til stjórnar LIVE, eins stærsta lífeyrissjóðs landsins.

Share this post


Link to post
Share on other sites

Hélt að vinur okkar fleebah væri búinn að pósta þessu ágæta bréfi frá ,,átrúnaðargoðinu" hingað inn

en tek nú af honum ómakið:)  Alltaf jafn góð!

 

Nokkur orð um frelsi, á 19. júní

Sólveig Anna Jónsdóttir, formaður Eflingar, skrifar í tilefni kvenréttindadagsins.

Pistill · 19. júní 2019 11:00



Ég las um daginn litla frétt um ráðstefnu haldna einhversstaðar í Ameríku. Hún, ráðstefnan, bar yfirskriftina Viðhaldararnir, the Maintainers; hin ónefndu, óséðu og undirborguðu, þau sem viðhalda og næra mannlegt samfélag með vinnu sinni. Á ráðstefnunni var sjónum beint að því að viðhaldararnir gera í raun meira fyrir samfélagið en hinir endalaust umtöluðu frumkvöðlar, því samfélagið raunverulega stendur og fellur með vinnu þeirra. Ég gladdist þegar ég las þetta og hugsaði með mér að við ættum að halda svona ráðstefnu á Íslandi; um viðhald samfélags og hvað í því felst, um umönnun og tilfinningavinnu, um frumkvöðla og kapítalista-átrúnaðinn sem opinberast allstaðar í kringum okkur, í því hvernig talað er um menntun og til hvers hún er og um hina mögnuðu kerfislægu andúð sem ríkir gagnvart kven-vinnuaflinu, helstu umönnurum og viðhöldurum samfélagsins. Hina yfirgengilegu dýrkun a valdi, peningum, „dugnaði“, valdagræðgi og hörku sem gegnsýrir íslenskt samfélag, og þá andúð á mýkt og mildi sem hlýtur að fylgja slíkri dýrkun. Ráðstefnu þar sem við „kíkjum bak við tölurnar“ og hittum fyrir fólkið sem vinnur við að um-annast og við-halda, og notar til þess hina heilögu þrenningu; hönd, hjarta og heila. Ráðstefnu þar sem við hittum fyrir okkur sjálf. Á svona ráðstefnu gætum við spurt: Hvað þýðir það þegar samfélag neitar að „fjármagna“ umönnun með sanngjörnum hætti, hvað þýðir það þegar brauðmolarnir, loksins þegar þeir lenda á gólfinu, þar sem félagslega endurframleiðslan á sér stað eru svo fáir að þeir duga ekki til að næra? Hversu lengi er hægt að ætlast til þess að fólk sætti sig við að hirða þá samt upp af því að þeir eru það eina sem er í boði?

Við gætum spurt spurningarinnar: Hvað „kostar“ það að greiða um-önnurum samfélagsins laun sem nægja varla til þess að þau sjálf megi endurframleiða vinnuaflið sitt, hvað kostar það að láta konur og börn lifa við skert kjör, hvað kostar það að halda áfram að samþykkja hið undirmannaða ofur-álag sem gerir þau sem um-annast veik á sál og líkama? Hvað kostar að búa til samfélag sem upphefur gróðatækifæri framar öllu öðru og hver ber þann kostnað á endanum?

Hvað kostar það að leyfa djústæðri kvenfyrirlitningu, hugmyndinni um að konum sé eðlislægt að taka að sér umönnunarstörf, það sé frumeðli kvenna að vinna slík störf, að þessvegna geti samfélagið endurnýjað sjálft sig á þeirra kostnað, að ráða för? Já, ég læt aftur þessa plötu á fóninn; hún er svo langt frá því að vera biluð. 

Í umönnunariðnaðinum, einum helsta og forhertasta notanda á undirverðlögðu vinnuafli kvenna um alla veröld, sjáum við arðránið og kvennakúgunina sem kapítalisminn viðheldur sjálfum sér með birtast með svo ótrúlega augljósum hætti. Eins og marxíski femínistinn og fræðikonan Silvia Federici bendir á hefðu kapítalistarnir ekkert starfsfólk til að arðræna ef konur legðu ekki fram nánast endalausa lítt greidda og ógreidda vinnu við að annast um, fóstra og næra. 

Á fáum stöðum er sjúk hræsni og yfirgengilegur tvískinnungur þeirrar „frjálslyndu“ og markaðsvæddu frelsisbaráttu kvenna sem að við höfum búið við á undandförnum árum og áratugum jafn sláandi. Íslenskt stjórnmálafólk hreykir sér af æðislegu stofnanareknu umönnunarkerfunum sem hér hefur verið komið á sem einni aðalundirstöðu hins sérstaka íslenska kvenfrelsis á meðan þau neita að viðurkenna þá kerfisbundnu kvennakúgun sem kerfisbundin vöruvæðing umönnunarinnar einmitt grundvallast á.



„Kapítalisminn hefur boðað til allsherjar yfirtöku og útsölu á öllu því sem skiptir raunverulegu máli í mannlegri tilveru“

Við búum í því sem næst al-vöruvæddum veruleika þar sem kapítalisminn hefur boðað til allsherjar yfirtöku og útsölu á öllu því sem skiptir raunverulegu máli í mannlegri tilveru. Hvað sleppur við að láta skella á sig verðmiða? Ekkert er ósnert og ekkert er ósnertanlegt, ekkert er frjálst undan ósýnilegu höndinni sem þuklar og káfar á öllu því sem hún kremur ekki. Allt er iðnaður því öllu hefur verið iðn-bylt. Líkamar okkar með öllu innvolsinu eru ekki annað en eitthvað sem við seljum, eitthvað sem keyptur er aðgangur að.

Okkur hefur verið troðið inní þennan ömurlega útsölumarkað af fólki sem aðhylltist eitthvað sem flokkast ætti sem einstaklega sérvitringsleg sýn á samfélag, ef við viljum komast kurteislega að orði. Öldum saman hafa bæði þeir sem tala fyrir og þeir sem framkvæma arðráns-verkefnið reynt að fela eigin grimmd og kaldlyndi gagnvart öðru fólki á bak við einhverja goðsögn um að upptaka á landi, það að gera stóran hluta mannkyns að engu öðru en útsöluvöru á markaði, það að gera jörðina að engu öðru en óendanlegri uppsprettu prívat-auðæfa, sé algjörlega eðlileg og í raun besta og skynsamlegasta niðurstaða allra mála. En nú er svo komið að það „vísindalega sannað“ að þetta er í raun versta og óskynsamlegasta niðurstaða mála sem hægt er að hugsa sér (sem ætti auðvitað ekkert að koma á óvart; blóði drifin saga kapítalismans er saga kúgunnar og hörmunga á alheimsskala þar sem hver blaðsíða segir frá mönnum með skerta samhyggð og afbrigðilega sýn á mannlegt eðli og mannleg tengsl; kynþáttahöturum, kvenhöturum og náttúruhöturum; þegar við skoðum sögu innleiðingar arðránskerfisins er á endanum augljóst að nokkur hundruð ár af þeim hryllingi hlutu að enda með ósköpum). Við höfum verið teymd inn í útsölumarkaðinn og það hefur runnið upp fyrir okkur ljós; á endanum endar heimurinn hvorki með kveini eða hvelli, hann endar á niðursettu verði eins og einnota drasl, eins og við sjálf; fyrir eina útdauða tegund fylgir önnur með ókeypis. Alltaf að græða. 



Hvað þurfum við að gera til að byrja að brjóta okkur leið út úr þessari mannakjötsverslun? Því að við sannarlega þurfum að byrja að brjóta. 



Við getum byrjað á að hafna því að arðránið sé sjálfsagt í mannlegum samskiptum. Við getum hafnað því að það sé skynsamlegt að byggja samfélag á misskiptingu gæða. Við getum hafnað því að það sé aðeins persónuleg sorgarsaga einnar manneskju eða einnar fjölskyldu þegar óréttlætið kemst upp með að kremja og kúga; að það sé ásættanlegt ástand að auð-börn, afkomendur auðfólks, kaupi upp lúxusíbúðir á meðan fullvinnandi kona, einstæð 3 barna móðir, láglaunakona, kven-vinnuafl á samræmdum útsölumarkaði íslenskrar láglaunastefnu með 366.000 í skattskyldar tekjur á mánuði, þurfi að borga 250.000 krónur í leigu til að hafa aðgang að þeirri lífsnauðsyn sem húsnæði augljóslega er (þetta er svokölluð „sönn saga“ sem ég flokka inní mínu höfði sem Satt íslenskt sakamál; hér er framinn grimmilegur efnahagslegur glæpur á konu og börnum, glæpur með augljósu fórnarlambi og geranda ); í prinsippinu þurfa jú öll að hafa þak yfir höfuðið, en á meðan fjármagnseigendur þurfa fleiri fjárfestingartækifæri verður konan bara að sætta sig við að hennar ó-frelsi nærir al-frelsi auðdrengsins, vöruvæðing húsnæðis er einfaldlega komin til að vera. Litla kona, þú verður bara að passa að fæðast ríkari næst og láttu engan segja þér að það sé ekki hægt! Ég spyr: Ef við erum ekki fær um að hafna þessum viðbjóði hverju erum við þá fær um að hafna?



Við getum byrjað á því að sameinast um hvað við viljum, hverju við viljum ekki lifa án. Við getum byrjað á að segja: Kerfi nýfrjálshyggjunnar sem við búum inní, er einfaldlega ófært um að útbúa jarðveg réttlætis og frelsis í mannlegum samkiptum. En kerfið er ekki ófært um að útbúa jarðveg réttlætis eða frelsis vegna mistaka eða vegna þess að flækjustig réttlætis í mannlegum samskiptum er svo mikið, nei, það er ófært um að búa til jarðveg réttætis vegna þess að arðránið er grundvöllurinn sem það byggir á og grundvöllur aðránsins er óréttlætið. Það mun ávallt reyna að gera lítið úr og breiða yfir þær mótsagnir og andstæður sem magnast í innbyggðu hamsleysinu, í þeim tilgangi að í hugum okkar sjálfra rísi upp þær „afgirðingar“ sem nauðsynlegar eru til að koma í veg fyrir að okkar eigin heilar og okkar eigin hjörtu njóti frelsis; frelsis til að blómstra, hugsa, vera, „til-finna“.



Við getum byrjað á að hafna fölsku frelsi kapítalismans og útsendara algjörra yfirráða hans yfir mannlegri tilveru og lífríkinu öllu. Við getum byrjað á að viðurkenna að okkur ber einfaldlega skylda til þess, í raun aldrei meiri skylda en nákvæmlega núna, að viðurkenna og horfast í augu við að valdastéttin inní sínum frjálslyndis-fulltrúa-lýðsræðis-turni er algjörlega vanhæf um að takast á við verkefnið sem verður að takast á við, að stöðva eyðingu lífríkisins, hún er ekki einu sinni fær um að sýna fram á löngun til að hemja kapítalismann. Hún getur ekki sinni sagt kapítalismi. Ófær um að sýna löngun í að tryggja lágmarksþarfir líkt og húsnæði, ófær um að sýna löngun til að frelsa láglaunakonuna úr þeim fjötrum sem hún hefur verið bundin í. Ekki fær um neitt af þessu; hvernig ætti hún þá að vera fær um að leiða það risavaxna verkefni sem nú verður að hefjast? Þau sem dýrka ástarsamband nýfrjálshyggjunnar og frjálslynds lýðræðis meira en allt hafa í skeytingarleysi sínu og forherðingu, yfirborðsmennsku og kaldlyndi tekist að útbúa stjórnmál sem eru ekkert meira en stjórnsýsla auðstéttarinnar; sama hvað á dynur, áfram skal bálið kynnt með tíma okkar, draumum og framtíð; sama hvað á dynur, áfram skal öryrkjum refsað fyrir að ekki sé hægt að hagnýta þá að fullu, áfram skal aðflutt verkafólk gert atvinnulaust, áfram skal láglaunakonan ofur-arðrænd, áfram skulu börn á flótta og foreldrar þeirra hverfa á næturna. Áfram skal grætt og grillað, árangur áfram, ekkert stopp; þegar þú kannt ekkert annað en að grilla verður heimurinn og allt í honum ekkert annað en kóteletta til að kasta á kolin.



Við getum byrjað á að hafna því sem við hljótum að fyrirlíta; kvalalosta stéttskiptingarinnar og við getum byrjað á að halda áfram að valdeflast; fyrir kerfið skiptir ekkert meira máli en að telja okkur trú um að við höfum ekki völd og þessvegna skiptir ekkert meira máli fyrir okkur en að finna að við höfum þau (þessvegna tjúlluðust þau í vetur þegar við fórum í verkfall, glaðar yfir því að fá að sýna völdin okkar); ef að vinnuaflið í samfélaginu er „valdelft“ rækilega þá mun fylgja, eins og dagur fylgir nótt, krafa um „velferð“, um jöfnuð, um „aðgengi“ að öllu því sem gerir tilveru okkar betri; um aukið aðgegni að tíma, heilsu og raunverulegu frelsi – frelsi frá neyð og óöryggi og frelsi til að fá að sleppa við heimsendi. Krafa um að samfélagið sinni þörfum fólks en ekki fjármagns. Krafa um alvöru réttlæti, um alvöru frelsi; mannlega tilveru lausa undan ofbeldi misskiptingarinnar. Alvöru frelsi, fyrir allt „vinnuafl“, okkur sem arðrænum ekki, okkur sem við-höldum og um-önnum, okkur sem finnum af öllu hjarta að það er eitthvað að, okkur sem vitum að hlutirnir verða að breytast, okkur sem vitum hvað það kostar að búa til samfélag sem upphefur gróðatækifærin á kostnað alls annars, öll okkur sem brennum af lönguninni til að hafna því að bera áfram þann glæpsamlega háa kostnað. 



Ef það er ómögulegt að tryggja réttlæti, ómögulegt að uppræta misskiptingu, ómögulegt að leyfa öllu fólki að lifa frjálsu, krefjumst þá hins ómögulega. Notum sögulega minnið okkar; allt er ómögulegt þangað til að það er mögulegt og nú er ekkert annað en möguleikinn er í boði. There is no alternative. Sameinumst um að vera í upprisu og frelsunarhug; sameinumst í samstöðu, við sem höfum engu að tapa nema tilgangsleysinu, neysluhyggjunni, arðráninu og sjálft frelsunarverkefnið að vinna.

Share this post


Link to post
Share on other sites
19 minutes ago, Herkúles said:

[...] Notum sögulega minnið okkar; [...]

Sagði Sovétkomminn!!  :D  Já, @Herkúles minn kær, hún er alltaf jafn "góð". Eins og Lenín.

Share this post


Link to post
Share on other sites

Jæja, kom þá ekki FME og tiltók það sem ég var að segja, þ.e. leggja VR línurnar um hvað er boðlegt og hvað ekki.

Quote

FME finnur að framgöngu VR

Stjórnarmönnum í lífeyrissjóðum er óheimilt að beita sér fyrir því að lífeyrissjóðir séu nýttir í öðrum tilgangi en lög kveða á um.

Stjórnarmönnum í lífeyrissjóðum er óheimilt að beita sér fyrir því að lífeyrissjóðir séu nýttir í öðrum tilgangi en kveðið er á um í lögum. Þetta kemur fram í tilkynningu frá Fjármálaeftirlitinu (FME). 

Tilefni tilkynningarinnar er fréttaflutningur af því að stjórn VR hyggist afturkalla umboð stjórnarmanna Lífeyrissjóðs verslunarmanna (LV) sem tilnefndir eru af stéttarfélaginu. Ástæðan fyrir því er „algjör trúnaðarbrestur“ stjórnar VR í garð stjórnarmanna í LV vegna hækkunar á breytilegum verðtryggðum vöxtum á húsnæðislánum hjá sjóðnum. Sem stendur býður LV upp á 2,06% slíka vexti, þá lægstu á markaði, en hyggst hækka þá um 0,2 prósentustig í ágúst. Tillaga stjórnar var samþykkt í gær og verður lögð fyrir fund fulltrúaráðs á morgun.

„Í tilefni frétta um að stéttarfélag hafi til skoðunar að afturkalla umboð stjórnarmanna er félagið hefur tilnefnt í stjórn lífeyrissjóðs vill Fjármálaeftirlitið minna á þær kröfur sem gerðar eru samkvæmt lögum til starfsemi lífeyrissjóða,“ segir í tilkynningu FME.

Í henni er vikið að því að lífeyrissjóðum sé óheimilt að stunda aðra starfsemi en nauðsynlegt er til að ná markmiðum laga um skyldutryggingu lífeyrisréttinda og starfsemi lífeyrissjóða. Stjórn sjóðsins beri ábyrgð á því að starfsemi hans sé í samræmi við nefnd lög.

„Samkvæmt 4. mgr. 44. gr. laga nr. 129/1997 skal Fjármálaeftirlitið hafa eftirlit með því hvort starfsemi lífeyrissjóðs sé að einhverju leyti óeðlileg, óheilbrigð eða ótraust. Við mat á framangreindu lítur Fjármálaeftirlitið m.a. til ákvæða laga nr. 2/1995, um hlutafélög, en í 76. gr. þeirra laga segir „Félagsstjórn, framkvæmdastjóri og aðrir þeir er hafa heimild til að koma fram fyrir hönd félagsins mega ekki gera neinar þær ráðstafanir sem eru fallnar til þess að afla ákveðnum hluthöfum eða öðrum ótilhlýðilegra hagsmuna á kostnað annarra hluthafa eða félagsins“,“ segir í tilkynningunni.

Það sé mat FME að stjórnarmönnum sjóða sé óheimilt að beita sér fyrir því að sjóðirnir séu nýttir í öðrum tilgangi en getið er í tilvitnaðri málsgrein.

Og að sjálfsögðu er Raggi ósáttur við að hann sé kveðinn í kútinn fyrir að ýja að lögbrotum.

Ragnar Þór ósáttur:„Þetta er óþolandi!“

Nei Raggi minn. Þú bara verður að hætta að halda að þú getir verið skuggastjórnandi, haldandi það að þú sért óskeikull og alvitur.

Share this post


Link to post
Share on other sites
6 minutes ago, fleebah said:

Jæja, kom þá ekki FME og tiltók það sem ég var að segja, þ.e. leggja VR línurnar um hvað er boðlegt og hvað ekki.

Og að sjálfsögðu er Raggi ósáttur við að hann sé kveðinn í kútinn fyrir að ýja að lögbrotum.

Ragnar Þór ósáttur:„Þetta er óþolandi!“

Nei Raggi minn. Þú bara verður að hætta að halda að þú getir verið skuggastjórnandi, haldandi það að þú sért óskeikull og alvitur.

FME - hvernig og hver gerði þessar reglur.

Það hlýtur að vera stjórn félagsins sem ræður hvernig peningum er ráðstafað. Ekki eitthvað ríkisbatterí úti í bæ. Ekki sammála því Fleebah að ríkið á ekki að vera skiptar sér af því hvernig fjármagni sjóðsfélag er ráðstafað?

Share this post


Link to post
Share on other sites
21 minutes ago, Sigurður123 said:

FME - hvernig og hver gerði þessar reglur.

Það hlýtur að vera stjórn félagsins sem ræður hvernig peningum er ráðstafað. Ekki eitthvað ríkisbatterí úti í bæ. Ekki sammála því Fleebah að ríkið á ekki að vera skiptar sér af því hvernig fjármagni sjóðsfélag er ráðstafað?

Vegna áhættu á misnotkun á fé, svikum, vanrækslu gegn skildum, óheilbrigðum áhættum, hættu á lögbrotum etc, etc,, og allt byggt á fenginni reynslu í gegnum áratugi og jafnvel aldir, þá gilda ákveðnar reglur og lög um svona starfssemi. Ég er sjálfur frjálshyggjumaður en ég er ekki blindur. Ég var starfsmaður Kaupþings milli 2005 og svo Arion banka til 2015.

Þannig að ég, af fenginni reynslu, held að það verði að gilda strangar reglur um rekstur svona félaga, og sértaklega um sjálfstæði og hæfi stjórnarinnar.  Og í því ljósi þá held ég að FME sé á kórréttri braut í þessu máli. Ragnar virðist halda að hann, og hann einn, sé alvitur í þessu. Það er stórhættuleg nálgun. Jafnvel þó hann trúi því 110% að hann hafi góðan tilgang. Því ég hef ekki enn séð geislabauginn á honum. Og Thanos, mundu, var architype fyrir svona fólk: Vill bjarga heiminum en mun stúta honum til að gera hann betri. Góður tilgangur, einn og sér, dugar ekki til. Þess vegna erum við með FME :) 

En nota bene, FME er ekki að skipta sér af rekstri sjóðsins per se. Bara gæta þess að sjóðurinn sé rekinn í samræmi við lög. Sem kveða einmitt á um að stjórn á að sinna hagsmunum Lífeyrissjóðsins, sjóðsins eins, og ekki hagsmunum VR. 

Share this post


Link to post
Share on other sites

Af hverju var lífeyrissjóðurinn að hækka vexti þegar t.d. Seðlabankinn er að hugsa um að lækka vexti?

Var ekki samið um að laun hækkuðu minna og vextir færu þá niður? 

Af hverju voru samtök Atvinnulífsins að semja svona ef þau höfðu ekkert umboð til þessi. Veit ekki betur en þau hafi átt sína fulltrúa í stjórn lífeyrissjóð VR. 

Share this post


Link to post
Share on other sites
1 hour ago, Sigurður123 said:

Af hverju var lífeyrissjóðurinn að hækka vexti þegar t.d. Seðlabankinn er að hugsa um að lækka vexti?

Var ekki samið um að laun hækkuðu minna og vextir færu þá niður? 

Af hverju voru samtök Atvinnulífsins að semja svona ef þau höfðu ekkert umboð til þessi. Veit ekki betur en þau hafi átt sína fulltrúa í stjórn lífeyrissjóð VR. 

Lífeyrissjóðir hafa eigin áhættumöt og eigin vaxtaákvörðunarferli, ásamt því að þurfa að lúta ákveðnum lögum um fjárfestingar og ávöxtun.

Þetta er algjörlega ótengt vaxtaálagi SÍ. LIVE hefur lækkað vexti umfram vaxtalálag SÍ, en núna hefur þurft að leiðrétta eitthvað.

Að einhverjir kommúnista populistar hjá VR séu að skipta sér af er óskiljanlegt.

Ég bíð eftir að fjármálaeftirlitið stígi þarna inní og taki yfir væntanlegan órekstur á LIVE.

Share this post


Link to post
Share on other sites
15 minutes ago, Newton said:

Lífeyrissjóðir hafa eigin áhættumöt og eigin vaxtaákvörðunarferli, ásamt því að þurfa að lúta ákveðnum lögum um fjárfestingar og ávöxtun.

Þetta er algjörlega ótengt vaxtaálagi SÍ. LIVE hefur lækkað vexti umfram vaxtalálag SÍ, en núna hefur þurft að leiðrétta eitthvað.

Að einhverjir kommúnista populistar hjá VR séu að skipta sér af er óskiljanlegt.

Ég bíð eftir að fjármálaeftirlitið stígi þarna inní og taki yfir væntanlegan órekstur á LIVE.

Þetta er hræðilegt ef þetta er rétt sem þú segir.

Áhættumat lífeyrissjóðsins hefur þá ekki trú á að vaxtalækkun SÍ hjálpi til og þess vegna þurfi að hækka vexti til að mæta frekari vanskilum.

Hvernig koma lögin inni í þetta? Lækkaði lífeyrissjóðurinn vextina of mikið og þess vegna þarf hann að hækka þá núna?

Ekki eru Samtök Atvinnulífsins og aðrir vinnuveitendur kommar enda sömdu þau um lægri laun gegn lægri vöxtum.

Ég sé ekki betur en að VR og SA hafi samið um eitthvað sem þau bara ekkert semja um.

Þetta er skandall og þessum samningum á að rifta strax.

Hér kom út skýrsla um bankakerfið þar kom fram að vextir Seðlabanka séu gólf fyrir útlánsvexti. Álagning bankanna sé lítil en vextir SÍ háir. Hér segir þú að vextir séu ákveðnir af öðru en vöxtum Sí. 

Allir eru að bulla. Eins og alltaf á Íslandi.

Share this post


Link to post
Share on other sites
9 minutes ago, Sigurður123 said:

Þetta er hræðilegt ef þetta er rétt sem þú segir.

Áhættumat lífeyrissjóðsins hefur þá ekki trú á að vaxtalækkun SÍ hjálpi til og þess vegna þurfi að hækka vexti til að mæta frekari vanskilum.

Hvernig koma lögin inni í þetta? Lækkaði lífeyrissjóðurinn vextina of mikið og þess vegna þarf hann að hækka þá núna?

Ekki eru Samtök Atvinnulífsins og aðrir vinnuveitendur kommar enda sömdu þau um lægri laun gegn lægri vöxtum.

Ég sé ekki betur en að VR og SA hafi samið um eitthvað sem þau bara ekkert semja um.

Þetta er skandall og þessum samningum á að rifta strax.

Hér kom út skýrsla um bankakerfið þar kom fram að vextir Seðlabanka séu gólf fyrir útlánsvexti. Álagning bankanna sé lítil en vextir SÍ háir. Hér segir þú að vextir séu ákveðnir af öðru en vöxtum Sí. 

Allir eru að bulla. Eins og alltaf á Íslandi.

Tja, ef þú átt lífeyrissparnað hjá LIVE þá ættir þú að hafa áhyggjur, ef einhverjir kommúnistar vilja útdeila þessum sparnaði þínum þannig að þú þurfir að fá skertan lífeyrir síðar meir, þannig að þú þarft að niðurgreiða þessi ævintýri nútíðar formanns VR, sem er eins mikill pjúra sósíalista-kommúnisti og fyrirfinnst.

Ég myndi skoða annan lífeyrissjóð ef það er í boði. Ekki viltu eiga lífeyrissparnað hjá kommúnistaflokknum.

1 person likes this

Share this post


Link to post
Share on other sites
8 hours ago, Newton said:

Tja, ef þú átt lífeyrissparnað hjá LIVE þá ættir þú að hafa áhyggjur, ef einhverjir kommúnistar vilja útdeila þessum sparnaði þínum þannig að þú þurfir að fá skertan lífeyrir síðar meir, þannig að þú þarft að niðurgreiða þessi ævintýri nútíðar formanns VR, sem er eins mikill pjúra sósíalista-kommúnisti og fyrirfinnst.

Ég myndi skoða annan lífeyrissjóð ef það er í boði. Ekki viltu eiga lífeyrissparnað hjá kommúnistaflokknum.

Ertu að meina hækkandi iðngjald? 

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now

  • Recently Browsing   0 members

    No registered users viewing this page.