Sign in to follow this  
Followers 0
Ingimundur Kjarval

Kína, heimsveldi illskunnar!

30 posts in this topic

Allir sem hafa áhuga á heimsmálum ættu að horfa á þetta myndband. Vissir þú að Nixon var með kínverska hjákonu?

Dr. Arthur Waldron fer mjög vel yfir hvers vegna við verðum að endurskoða skoðun okkar á Kína, ber það saman við Hitlers Þýskaland!

Hann segir líka að Kína muni hrynja.

 

Share this post


Link to post
Share on other sites

Í upphafi videósins segir maðurinn að núverandi stjórnvöld í Kína séu "vond eða "evil" og á pari við stjórn sovétríkjanna og Nasistana. Ég gafst upp eftir þessa klausu, sá ekki ástæðu til að skoða meira.

Margir hafa furðað sig á því af hverju trú er jafn algeng og útbreidd meðal manna. Í heiminum eru þekkt ríflega 1000 trúarbrögð af öllu tagi og eru talinn vitnisburður um trúarþörf mannsins. Mér klárari menn hafa bent á að um leið og trúin er meiriháttar stjórn- og valdatæki þá er hún líka svar fólks sem skortir svör við öllu mögulegu. Stjörnurnar á himninum, tunglið, árstíðirnar, náttúruhamfarir og allt hitt sem forfeður okkar skildu ekki var skrifað á Guðina. Þegar norrænir menn sáu eldingar var það þrumuguðinn Þór að sveifla hamri sínum. Regnboginn var Heimdallur og bifröst. Grikkir töldu að sjávarguðinn Poseidon væri reiður þegar brim var mikið og ekki gaf á sjó. Og svo framvegis. 

Þetta hljómar allt mjög sennilega og punkturinn er að þegar fyrri tíðar menn skorti svör fundu þeir upp Guði til að fylla inn í myndina - og það virkaði. Þannig erum við menn útsettir fyrir góðum lygasögum og höfum alltaf verið. Í þessu samhengi er gripið til Guðs, eða Guða þegar svörin skortir, þegar þekkingin þverr, eða jafnvel þegar viljinn til að útskýra hlutina er ekki fyrir hendi. Eða þegar það hentar ekki.

Og þar komum við að hinu "illa". Þegar þú ert í steytingi við nágrannann, af því að þú villt sleppa beljunum á landið hans og fara upp á kerlinguna hans líka, þá verður fátt um svör heimafyrir þegar þú kemur heim með blóðnansir og brotinn ökkla. Þú ferð ekki að útskýra það fyrir fjölskyldunni að nágranninn fékk nóg af þér og sótti slaghamar og lamdi þig í buff. Ónei, skýringin heimafyrir er að nágranninn er "evil". Brjálað illmenni sem við þurfum að takast á við. Miklu betri saga, hentar betur og fylkir fjölskyldunni á bak við þig í stað þess að hún yfirgæfi þig ef hún vissi alla söguna.

Þess vegna er mikilvægt í öllum erjum að segja sínu heimafólki aldrei satt, og þá er ekkert betra en að grípa til þessara sígildu aðferða sem hafa alltaf virkað. Hann er "evil". Þetta þekkja allir sem hafa orðið náið vitni að hjónaskilnaði, eða starfað sem dyraverðir á skemmtunum og hlustað á skýringar slagsmálahunda og fólks í geðshræringu. 

Í heimspólitíkinni grasserar þetta, þetta er helsta vopn áróðusmeistara aftur í aldir. Vestrænu heimsveldin á síðustu öld, Bretar og síðar Bandaríkin reistu sinn áróður á þessu. Og þau eru enn að Ingmundur og munu aldrei hætta þessu meðan þau standa í lappirnar. Við sem búum á þeirra yfirráðasvæði erum gjörsamlega marineruð í þessu frá vöggu til grafar.

Kína hefur ill stjórnvöld? Spurt er, hvernig stendur þá á því að kínverskir námsmenn sem mennta sig í Bandaríkjunum sækja í sífellt vaxandi mæli að fara heim aftur í stað þess sem áður tíðkaðist að þeir settust að í Bandaríkjunum? Hvernig stendur á því að skríbentar óháðir Kína - og fullir af efasemdum um landið - skrifa lofsamlegar greinar um ástandið þar eftir að hafa heimsótt landið í fríinu sínu? Ég hef nýverið lesið nokkrar slíkar og þær eru hreint ekki í takt við þá mynd sem heimspressan dregur upp. Heimspressan sem er nota bene augljóst áróðusmálgagn vestrænna elíta og stórveldabrölts Bandaríkjanna. 

Að segja að Kína, eða stjórn Sovétríkjanna, eða jafnvel Nasistarnir hafi verið "evil" er einfaldlega hugsanastoppari. Af sama tagi og "Guð" olli jarðskjálfta. Svona rugl felur í sér algeran skort á forvitni um mannlegt eðli, söguna, og ástand samfélaga yfirleitt ásamt ríkjandi hugmyndum.  Það er  hugsanastoppari og er af elítum notað sem slíkur, til að þú veltir hlutunum ekki meira fyrir þér. Málið er afgreitt. Hugsanastopparar virðast því miður falla í góðan jarðveg hjá þorra fólks, einkum þeim sem nenna ekki að hugsa.

Fyrir örfáum dögum myrti einhver maður fólk í London. Skýringin er að hann er "Jihadisti" - sem þýir á vestrænu máli hann er "evil". Ég leitaði slurk og hef ekki fundið neinar greinar þar sem þessi maður - sem er áður dæmdur "hryðjuverkamaður" (annar hugsanastoppari) - segir sögu sína. Hvers er hann að hefna, er hann bara "evil" eða kannski geggjaður, eða er möguleiki að fjölskylda hans hafi orðið fyrir drónaárás, eða var hún drepin af Breska hernum, eða þeim Bandaríska? Eftir allar hamfarirnar í mið-austrinu er augljóst að fjöldi fólks þaðan sem býr nú á vesturlöndum hefur orðið fyrir margvíslegum skakkaföllum á sjálfum sér og sinni fjölskyldu. Er hann einn af þeim? Mögulega gætu svörin skýrt framferði hans en ef svo er fáum við þau aldrei af því að að það hentar betur áróðursmyndinni að hann sé bara "evil".

Dreptu milljónir í "stríði " á upplognum forsendum og þá er það allt í lagi. Heimamenn sem reyna að berjast gegn innrásinni eru "hryðjuverkamenn". Málaliðar þér hliðhollir eru "freedom fighters" þeir sem berjast gegn þér eru "terrorists".

Er ekki tími tilkominn að vakna Ingimundur og skoða í alvöru heimsmyndina sem Bandaríska glæpagengið hefur troðið í hausinn á þér síðan þú fæddist. Megnið af því haugalygi og áróður.

Wake up my friend.

 

2 people like this

Share this post


Link to post
Share on other sites

Við lítum á endurhæfingarbúðir fyrir Vígúra sem illsku.

Share this post


Link to post
Share on other sites
Just now, Fjalldrapi said:

Við lítum á endurhæfingarbúðir fyrir Vígúra sem illsku.

Aðrar fregnir herma að Kína hafi ekki farið varhluta af öflugri útbreiðslu Wahabisma frá Saudi Arabíu sem er einhverskonar hamfaraútgáfa af Islam. Þannig séu til kreðsur þar af Islamistum sem krefjast shaira laga og afturhvarfs til miðalda og séu tilbúnir í Jihad til að veita þessum hugmyndum brautargengi. Tilfellið er að einhver hópur Vígúra barðist í Sýrlandsstríðinu með ISIS svo þetta virðist ekki alveg úr lausu lofti gripið.  Þetta fólk passar engan veginn við Kínversk samfélag, ekki fremur en nokkur önnur og því séu þessar "endurhæfingarbúðir" til staðar. Munurinn er kannski helst sá að Kínverska stjórnin þarf ekki að leggjast í lygasögu-herferðir til að réttlæta gerðir sínar og segir bara hlutina eins og þeir eru í þessum samhengi. Þetta fólk þarf endurhæfingu?!

Hvað var annars Vietmanstríðið í þinni orðabók Fjalldrapi eða þau stjórnvöld sem stóðu þar að baki, eða Írak? Var það líka "illska"?

 

Share this post


Link to post
Share on other sites

Arthur segir að líffæra taka úr föngum sé orðinn iðnaður, það ein illskan. Áhugavert að þú ert ósammála MR-V. Ekki að segja að ég sé þér ósammála, en þú ættir að horfa á allt myndbandið, sérstaklega hvernig hann tekur Kissinger niður og hvernig hann talar um CIA. 

Share this post


Link to post
Share on other sites
2 minutes ago, Ingimundur Kjarval said:

Arthur segir að líffæra taka úr föngum sé orðinn iðnaður, það ein illskan. Áhugavert að þú ert ósammála MR-V. Ekki að segja að ég sé þér ósammála, en þú ættir að horfa á allt myndbandið, sérstaklega hvernig hann tekur Kissinger niður og hvernig hann talar um CIA. 

Kannski ef ég nenni því.

Minn punktur er einfaldlega sá að margar vestrænar heimildir um Kína eru gagnslausar. Ég þekki fólk sem býr og starfar í Kína og segir allt aðra sögu. Hingað til Íslands streyma Kínverskir ferðamenn sem virðast vera af hinni nýju millistétt. Eftir að hafa eytt hér slurk af peningum snúa þeir brosandi heim. Þetta er ekki bundið við Ísland því að hvert sem litið er þá eru kínverskir ferðamenn á hverju strái og þeir virðast allir fara heim aftur án þess að sækja um hæli í gestaríkjunum.

Hversu margir kínverskir ferðamenn sækja um pólitískt hæli á Íslandi ár hvert, eða í Bandaríkjnunum?

Share this post


Link to post
Share on other sites
3 minutes ago, MR-V said:

Kannski ef ég nenni því.

Minn punktur er einfaldlega sá að margar vestrænar heimildir um Kína eru gagnslausar. Ég þekki fólk sem býr og starfar í Kína og segir allt aðra sögu. Hingað til Íslands streyma Kínverskir ferðamenn sem virðast vera af hinni nýju millistétt. Eftir að hafa eytt hér slurk af peningum snúa þeir brosandi heim. Þetta er ekki bundið við Ísland því að hvert sem litið er þá eru kínverskir ferðamenn á hverju strái og þeir virðast allir fara heim aftur án þess að sækja um hæli í gestaríkjunum.

Hversu margir kínverskir ferðamenn sækja um pólitískt hæli á Íslandi ár hvert, eða í Bandaríkjnunum?

Good and brilliant point! Get alveg viðurkennt, horfði á myndbandið undir svefninn og slökkt á gagnrýninni, kannski að ég horfi á það aftur með þínum augum MR-V.

1 person likes this

Share this post


Link to post
Share on other sites
8 minutes ago, Ingimundur Kjarval said:

Good and brilliant point! Get alveg viðurkennt, horfði á myndbandið undir svefninn og slökkt á gagnrýninni, kannski að ég horfi á það aftur með þínum augum MR-V.

Feiknarlega erfitt að botna í Kína og mjög misvísandi upplýsingar sem maður fær þaðan af stöðu mála. Ég geri ráð fyrir því að Kínverska elítan sé álíka spillt og aðrar elítur sem öllu ráða og vita ekki aura sinna tal. Þar virðist samt enginn eiga fast sæti því að stjörnuhröp verða reglulega og stórkostlegar spillingarrannsóknir.  Og þeir eiga örugglega sinn skerf af drulluhölum. Annarsvegar virðast þeir vera heimsins mestu egóistar en á hinn bóginn er stefnan klárlega á þeim nótum að þeir séu allir fyrir einn og einn fyrir alla. Rétt ein þversögnin um þetta dularfulla ríki. Konfúsíanismi er eitthvað sem virðist vera ofarlega á baugi meðal stjórnvalda, ég botna lítið í fyrirbærinu.

https://asiasociety.org/education/confucianism

Share this post


Link to post
Share on other sites

Öfgaíslam allt í einu til þegar maður fer út fyrir vesturlönd og Ísrael. Merkilegt. 

Share this post


Link to post
Share on other sites
12 minutes ago, MR-V said:

Kannski ef ég nenni því.

Minn punktur er einfaldlega sá að margar vestrænar heimildir um Kína eru gagnslausar. Ég þekki fólk sem býr og starfar í Kína og segir allt aðra sögu. Hingað til Íslands streyma Kínverskir ferðamenn sem virðast vera af hinni nýju millistétt. Eftir að hafa eytt hér slurk af peningum snúa þeir brosandi heim. Þetta er ekki bundið við Ísland því að hvert sem litið er þá eru kínverskir ferðamenn á hverju strái og þeir virðast allir fara heim aftur án þess að sækja um hæli í gestaríkjunum.

Hversu margir kínverskir ferðamenn sækja um pólitískt hæli á Íslandi ár hvert, eða í Bandaríkjnunum?

Roðinn í austri er glæsilegur og upphafningin svo innihaldsrík, sérstaklega þegar kemur af Kínversku ferðamönnunum. Staðreyndin er sú að Kínverskir ferðamenn eru þeir sóðalegustu, skilninglausustu, þjófóttustu og illþokkuðustu sem á fjörur Íslands hafa komið. Ég þekki þetta vel frá fólki úr hótelgeiranum sem hugsa með hryllingi að hingað muni Kínverskt flugfélag fljúga með þúsundir af þessum mannleysum. Þeir stela öllu sem hönd á festir og skilja herbergi og matsali eftir eins og svínastíur. Þessi innrás Kínverja er aðeins að byrja og innan nokkurra ára getið þið verið viss um að fá hótel munu taka við þessu auma liði frá Kína. Trump er að gera heiminum mikinn greiða með að snúa þetta heimsveldi niður í hrísgrjónaakrana aftur, þökk sé honum!!

1 person likes this

Share this post


Link to post
Share on other sites
18 minutes ago, 4sinnum said:

Roðinn í austri er glæsilegur og upphafningin svo innihaldsrík, sérstaklega þegar kemur af Kínversku ferðamönnunum. Staðreyndin er sú að Kínverskir ferðamenn eru þeir sóðalegustu, skilninglausustu, þjófóttustu og illþokkuðustu sem á fjörur Íslands hafa komið. Ég þekki þetta vel frá fólki úr hótelgeiranum sem hugsa með hryllingi að hingað muni Kínverskt flugfélag fljúga með þúsundir af þessum mannleysum. Þeir stela öllu sem hönd á festir og skilja herbergi og matsali eftir eins og svínastíur. Þessi innrás Kínverja er aðeins að byrja og innan nokkurra ára getið þið verið viss um að fá hótel munu taka við þessu auma liði frá Kína. Trump er að gera heiminum mikinn greiða með að snúa þetta heimsveldi niður í hrísgrjónaakrana aftur, þökk sé honum!!

Þó að Kínverskir ferðalangar séu sóðalegir og þjófóttir þá þýðir það ekki að Kínversk stjórnvöld séu "evil". Allt annar hlutur.

Ég las nýverið að þessi ímynd Kínverskra ferðalanga hefði borist heim til Kína og stjórnvöld ekki hress með stöðuna og hafa áhyggjur af ímynd landsins. Tilfellið er að grilljónir Kínverja eru nýkomnir á mölina. Bjuggu áður í fátæku dreifbýli þar sem þú skrappst út í garð og hægðir þér hundinum og hænunum til samlætis. Eða sprændir þar sem þú varst staddur á stígnum gegnum þorpið. Þjófnaður - t.d. af hótelum er síðan klassíker hjá fólki úr fátækum löndum og sögur af slíku hafa gengið um áratugi. Kínverjar núna áberandi sakir fjöldans.

Hefur ekkert að gera með roða í Austri eða upphafningu. Að skilja heiminn er skemmtilegt, heilastopparar eru það ekki.

1 person likes this

Share this post


Link to post
Share on other sites

Alltaf lærir maður og ekki síst hér á Málefnunum.

Share this post


Link to post
Share on other sites

Jamm, thad eru kinverjar sem hafa thad mjog gott, bua liklega i storborgunum og ferdast um heiminn. Svo eru thad their sem verda eftir a landsbyggdini og vid aldrei heyrum eda sjaum neitt til.

Share this post


Link to post
Share on other sites

Ég er í starfi þar sem ég er stundum úti á plani og þetta er í borginni þar sem túristar eiga oft leið hjá. Ég lendi stundum í því að túristar koma upp að mér og spurja mig út í eitthvað (aðallega að reyna að finna einhvern stað) og það sem ég hef tekið eftir er að Kínverjarnir eru aldrei vingjarnlegir eða eitthvað að þakka fyrir sig. Þeir koma bara að manni og heimta svar við einhverju og rjúka svo bara burt án þess að þakka fyrir. Það er svona eins og þeim finnist að allir Íslendingar eigi að þjóna þeim og svo eru þeir líka mjög frosnir í andlitinu svo manni líður eins og maður sé að tala við vélmenni. En kannski er lágstéttarfólkið í heimalandinu eitthvað skárra en við sjáum það auðvitað ekkert á klakanum.  

Share this post


Link to post
Share on other sites
1 minute ago, Hallgeir said:

Ég er í starfi þar sem ég er stundum úti á plani og þetta er í borginni þar sem túristar eiga oft leið hjá. Ég lendi stundum í því að túristar koma upp að mér og spurja mig út í eitthvað (aðallega að reyna að finna einhvern stað) og það sem ég hef tekið eftir er að Kínverjarnir eru aldrei vingjarnlegir eða eitthvað að þakka fyrir sig. Þeir koma bara að manni og heimta svar við einhverju og rjúka svo bara burt án þess að þakka fyrir. Það er svona eins og þeim finnist að allir Íslendingar eigi að þjóna þeim og svo eru þeir líka mjög frosnir í andlitinu svo manni líður eins og maður sé að tala við vélmenni. En kannski er lágstéttarfólkið í heimalandinu eitthvað skárra en við sjáum það auðvitað ekkert á klakanum.  

Ég hef lesið um þetta fyrirbæri  og séð skýringar á borð við að þetta sé yfirstéttarhroki. Kínverjar líti svo á að það sé engin ástæða til að þakka þeim lægstu fyrir þeirra þjónustu sem þeir fá borgað fyrir að sinna.

Passar fremur illa við að maður hefði haldið að þessi stóri ferðamannastraumur samanstæði að verulegum hluta af fólki sem hefði klifrað upp í millistétt fyrir skemmstu og bæri ekki yfirstéttarhroka í blóðinu gegnum ættliði.

Hreint ekki sjarmerandi landkynning fyrir Kínverja sem eru einmitt frægir fyrir þjónustufrekju.  En líklegast er þetta eitthvað menningarstöff sem er einfaldlega öðruvísi hjá þeim.

Ég sótti Bandaríkin heim nokkrar ferðir fyrir margt löngu og var alltaf hissa á kurteisi heimamanna sem spurðu í sífellu "how are you" og voru almennt yfirburða kurteisir. Ég fékk samstundis á tilfinninguna að þeir meintu nákvæmlega ekkert með þessu og væri yfirleitt alveg hjartanlega sama hversu ömurlegan dag ég hefði átt. Semsagt froða, en viðkunnanleg engu að síður. Eina fólkið sem ég náði einhverju smá sambandi við þar vestra í þessum ferðum mínum voru grófir og kjaftforir menn sem voru ekkert að standa í svona kurteisishjali en eftir nokkra viðkynningu fóru í að "level with me" ef svo má segja. Ekkert bullshit, bara hlutirnir sagðir eins og þeir eru. Bestir voru þeir í Maine fylki, grófastir, hreinastir og beinastir. Í stórborgunum á austurströndinni virtust allir vera bílasalar. Teflon kurteisi og ekkert innihald. 

Share this post


Link to post
Share on other sites
23 minutes ago, Hallgeir said:

Ég er í starfi þar sem ég er stundum úti á plani og þetta er í borginni þar sem túristar eiga oft leið hjá. Ég lendi stundum í því að túristar koma upp að mér og spurja mig út í eitthvað (aðallega að reyna að finna einhvern stað) og það sem ég hef tekið eftir er að Kínverjarnir eru aldrei vingjarnlegir eða eitthvað að þakka fyrir sig. Þeir koma bara að manni og heimta svar við einhverju og rjúka svo bara burt án þess að þakka fyrir. Það er svona eins og þeim finnist að allir Íslendingar eigi að þjóna þeim og svo eru þeir líka mjög frosnir í andlitinu svo manni líður eins og maður sé að tala við vélmenni. En kannski er lágstéttarfólkið í heimalandinu eitthvað skárra en við sjáum það auðvitað ekkert á klakanum.  

Gaman að þessu og fróðlegt. Núna þarf ég að segja sögu sem skýrir kannski eitthvað. Elsta systir mín nýlátin giftist dönskum manni. Þau fluttu heim líklega í kringum 1963, ekki alveg viss. Eitt sem Robin sagði (ekki mjög danskt nafn eins og þið sjáið og ástæðan að foreldrar hans þruftu að fela sig á stríðárunum, ekki margir Robinar í Danmörk, get sagt þá sögu ef þið viljið) að þegar hann var úti á götu, eins og allir væru með fýlusvip á andlitinu, oft hugsað um þetta.

Niðurstaðan að Íslendingar þá voru ekkert að setja upp andlit út á götu, voru bara þeir sjálfir. Veit ekki hvernig þetta er á Íslandi í dag, en hér setur maður upp andlit, mátulegt bros. 

Kínverjar eru bara svona, við sig sjálfa líka, engin móðgun meint með þessu. Nú má vera að við Íslendingar höfum lært mannasiði í dag, að þakka fyrir okkur of svona, Kínverjar bara eftir að læra eins og við Íslendingar að standa í biðröðum, skilst að Kínverjar standi ekki í biðröðum, troðist.

1 person likes this

Share this post


Link to post
Share on other sites

Bara á síðustu árum er það að ryðja sér til rúms að afgreiðslufólk í verslunum segir við mann - eigðu góðan dag. Þetta er markaðsetning. Hefur ekkert að gera með skoðanir eða vilja viðkomandi um að maður eigi góðan dag. Stolið frá Bandaríkjunum þar sem þetta hefur tíðkast í áratugi.

Þegar Kína kemst lengra í markaðsvæðingunni verða þeir eins og Duracell Kanínur, óstöðvandi upptrekktir og síblaðrandi um að maður skuli eiga góðan dag.

Sammála Ingimundi í þessu.

Share this post


Link to post
Share on other sites

Já ég stofnaði þráð um þetta fyrir nokkrum árum þegar þeir voru að innleiða "eigðu góðan dag" hér á landi. Ég ég er ekki ennþá búinn að venjast þessu og finnst þetta meira þvingað en að bjóða góðan dag í upphafi.

Share this post


Link to post
Share on other sites
20 minutes ago, Hallgeir said:

Já ég stofnaði þráð um þetta fyrir nokkrum árum þegar þeir voru að innleiða "eigðu góðan dag" hér á landi. Ég ég er ekki ennþá búinn að venjast þessu og finnst þetta meira þvingað en að bjóða góðan dag í upphafi.

Jamm, augljóst að margt afgreiðslufólk er að segja þetta af skyldurækni og maður hreinlega vorkennir þreyttu afgreiðslufólki að afplána þetta þegar það er augljóst að þau eru ekki í skapi til þess. . Og svo er þetta ambaga í íslensku. En þetta er klassískt almannatengslastöff einskonar new-speak. 

Sú stétt er á hraðri uppleið hér, enda eru tilkynningar og yfirlýsingar fyrirtækja og jafnvel pólitíkusa orðnar innihaldslaus flatneskja eftir að hafa farið gegnum meltingarveg spunameistara.  Bandaríkin eru auðvitað áratugum á undan okkur í þessu.

 

Share this post


Link to post
Share on other sites

Eins og ég hef greint frá hér áður, þá gríp ég stundum í að keyra leigubíl, til að fá smá aukapening. Tek oft líka bíla sem ég er með í viku í senn. Hef keyrt alveg haug af túristum síðustu árin. Sama hvað má segja um Trump, þá eru Bandaríkjamenn skemmtilegustu túristarnir. Ekki bara af því að þeir eru ríflegir á tips (flestir), heldur líka af því að þeir eru einfaldlega skemmtilegir í viðræðu. Líka þessir örfáu Trumpistar sem hingað villast, hehe.

Kínverjar eru allt öðruvisi. Þeir tala ekkert við þjóninn (bílstjórann), þeir loka ekki einu sinni hurðunum á eftir sér þegar þeir yfirgefa bílinn. Ólíkt BNAmönnum, sem byrja að taka töskurnar sjálfir úr bílnum á meðan einn þeirra gerir upp bílinn, þá snerta Kínverjar ekki á þeim fyrr en búið er að gera upp bílinn og þeir bíða þangað til bílstjórinn er búinn að taka töskurnar úr bílnum. Og þeir gefa auðvitað ekkert tips.

Ég keyrði einu sinni með eldri kínversk hjón frá Keflavíkurflugvelli á hóteið þeirra í Rvk. Það varð úr, að ég fór með þau Gullna hringinn og keyrði þau í skoðunarferð um Rvk. Sitthvorn daginn. Þau voru undantekning frá löndum þeirra sem ég hafði keyrt fram að því. Mjög elskuleg og buðu mér að borða með sér og svona. Síðan keyrði ég þau til Keflavíkur þegar þau fóru heim. Sótti þau um fimmleytið að morgni á hótelið. Þegar ég kvaddi þau við brottfararstæðið í Keflavík, þá rétti konan mér poka og svo hurfu þau inn í flugstöðvarbygginguna. Þegar ég leit í pokann, þá var þar jógúrtdolla, epli og banani, heimasmurð samloka vafin inn í plastfilmu og dolla af pepsí, ásamt einhverju fleiru matarkyns. Þetta var tipsið frá þeim. Mér fannst þetta voða krúttlegt tips, hehe. Svona hugsunarháttur fólks sem hafði örugglega einhverntíma á lífsleiðinni ferðast í lestum fullum af farþegum, farangri, hænum og grísum... :)

3 people like this

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0

  • Recently Browsing   0 members

    No registered users viewing this page.